SAMUEL 1 20:42 - Alkitab Singog In Mongondow Masa In Tanaa

⁴² Onda inta nogumandon in ki Yonatan kon i Daud, “Poigumon mako ki Allah in motuḷung kon inimu. Ki Tuhan in moḷukadbí kon inaton bo buí naton in umuranbí mokadai kon dodandian natonda kon tayowon i Allah.” Nopaḷut mako kon tua minayádon in ki Daud, bo ki Yonatan in nobuidon kon kotá.

SAMUEL 1 20:42 ပူးပေါင်းရင်းမြစ်များ

SAMUEL 2 9:1

Kon singgai tobatú noḻibó in ki Daud, “Oyúonpa degá in nobiag in intau nongkon motoḷuadí i Saul? Aka oyúonpa, yo akuoi in moibog mopoaid in mopia kon inia sin motuḻí kon aid mopia i Yonatan.”

PINOGIAPAN 6:26

Poigumon mako ki Tuhan motabi kon i monimu bo mobogoi kon i monimu in kobiagan modame.

LUKAS 7:50

Ki Yesus in bui noguman kon bobay tatua, nanaa, “Pirisayamu ain nokosaḷamat kon inimu. Bayádon iko takin saḷamat!”

OUMAN IN RASUL MITA 16:36

Dá pinoyaputdon itoi in ponjara tatua kon i Paulus in parenta tatua, kainia, “Tuang, intau mita moḷoben kon Rum aindon nobogoi in parenta kon tai tuang in buḻiandon. Dá motaau bidon mobui in tanaa mako. Bayádon bo mokopopiadon kon daḷan!”

SAMUEL 1 1:17

Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”

SAMUEL 1 20:15

yo umurandon poniata in kososatiamu kon buíku. Bo aka ki Tuhan moyopúdon kon bayongan in musungmu,

SAMUEL 1 20:16

dikabí bontowon in dodandian kon sigad natonda. Aka modapot in mobontow, yo ki Tuhandon in mohukum kon inimu.”

SAMUEL 1 23:18

Onda intua ki Daud bo ki Yonatan in nomia kon dodandian yoyobayatan kon tayowon i Tuhan. Nopaḷut mako kon tua ki Yonatan in nobui kon baḷoinea, bo ki Daud in umuranpabí nogutun kon Hores.

SAMUEL 1 25:35

Nopaḷut mako kon tua ki Daud notarima kon bayongan inta dinia i Abigail kon inia, bo noguman kon inia, “Pobuidon kon baḷoimu bo dikadon moḻia-ḻiaw in gina. Onu inta pinoigummu in duduiankubí.”