SAMUEL 1 20:41 - Alkitab Singog In Mongondow Masa In Tanaa

⁴¹ Naonda in adí tatua minayá, ki Daud iḻumuai nongkon tumimai in guntuḷan batu tatua, bodongka nosumba kotoḷu. Pinomayá sia andeka ki Yonatan, tumpaḷa nongombaḷ kon dodai in taya dua nongongayokan. Kuyang in gina i Daud in moḷobe-ḷoben nongkon kuyang in gina i Yonatan.

SAMUEL 1 20:41 ပူးပေါင်းရင်းမြစ်များ

KINOBAḺIAN 29:11

Onda intua sia nongayok kon i Rahel, bo nongombaḷ sin notabi in nokoontong.

KINOBAḺIAN 29:13

Naonda in ki Laban nokodongog kon habar soaḷ ki Yakub, pokuadíonea tatua, noribatukdon in sia sin mayá mokipodungkuḷ. Ki Laban nonggakap kon i Yakub bo inayokannea, bodongka dinianea sinumuot kon baḷoi. Naonda in ki Yakub nongonguman kon bayongan kaadaannea kon i Laban,

KINOBAḺIAN 33:4

Táe ki Esau in noribatuk namangoi kon i Yakub, bo nonggakap poḷat nongayok kon inia. Bo taya dua tua tumpaḷadon nongombaḷ.

KINOBAḺIAN 42:6

Intau inta nopotaḷui in gandum kon intau mita inta nongkon ḻipú-ḻipúannea tua in ki Yusupbí, gubernur in Mesir. Tuamai ki guya-guyangnea mita namangoi bo sinumungkud kon tayowonnea.

KINOBAḺIAN 43:28

Tubag monia, “Bobantung i Tuang, ki amá nami, nopiapabí in kaadaannea.” Bo sinumungkud in mosia kon tayowonnea.

KINOBAḺIAN 45:15

Onda intua, takin koomba-ombaḷpa, ki Yusup nonggakap kon i utatnea mita bo poḷat doman nongayok kon i monia komintan. Nopaḷut mako kon tua mosia in nomangkoidon nongonguman takinnea.

SAMUEL 2 1:2

Kon singgai nogintoḷu, namangoidon in tayowmobiag tobatú nongkon pinononḷoḷaigan i Saul. Nobaḻí tomponuot kon pinonogumatoian sia in nomerakdon kon pakeangnea bo nopotoguḷudon in butá in sia. Minayá in sia kon i Daud bo sinumungkud kon tayowonnea.

SAMUEL 2 1:26

Yonatan, uḻe utatku, monakit totok in ginaku, sin moḷoben totok in mangaḻemu kon inakó. Tabimu kon inakó in totuu motuḻid, nodapot in noiḻiubí kon tabi in bobay.

SAMUEL 2 14:4

Bo bobay tatua minayádon kon tayowon i datu, bo sinumungkud nosumba poḷat noguman, “Tuangku Inta Momulia, tuḷungaipa in bobantung!”

SAMUEL 2 19:39

Onda intua ki Daud bo bayongan in intaunea iḷumoḷandon kon Ongkag in Yordan. Bo ki Daud in nongayok kon i Barzilai bo nogumandon kon mayá, onda intua ki Barzilai in nobuidon kon baḷoinea.

SAMUEL 2 9:6

Ki Mepiboset in tangoi adí ḷoḷaki i Yonatan tatua. Naonda in namangoi in sia, sinumungkud in sia nohoromat kon i Daud. Ki Daud nokuuk kon inia, kainia, “Mepiboset,” bo sia notubag, “Ya, Tuang datu.”

DATU MITA IMITÁNEA 1:16

Ki Batsyeba sinumungkud kon tayowon i datu, bo ki datu in noḻibó, “Onu in koibogmu?”

DATU MITA IMITÁNEA 1:23

Bo pinotaaudon kon i datu in kinoangoian i Natan. Ki Batsyeba iḻumuai, bo ki Natan in sinumuot, bo sinumungkud kon tayowon i datu.

DATU MITA IMITÁNEA 1:31

Dá sinumungkudon in ki Batsyeba poḷat noguman, “Umurandon mobiag in ki Tuang datu!”

OUMAN IN RASUL MITA 20:37

Mosia in nongombaḷ komintan poḷat nonggakap bo nongayok kon i Paulus bo noguman kon inia kon mokopopiadon in kon daḷan.

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea:

SAMUEL 1 18:3

Tuamai in nongibot in ki Yonatan kon umuranbí moyobayat i Daud kinoouput in kinobiagannea.

SAMUEL 1 20:40

Onda intua ki Yonatan nobogoi in pomomiotnea kon adí tatua bo nopotabá kon inia nobui kon kotá.

SAMUEL 1 24:9

Iḻumuai domandon in ki Daud nongkon angob tatua bo nomaḷú kon tumimai i Saul, “Tuang Datu!”

SAMUEL 1 25:23

Naonda in inontong i Abigail in ki Daud, ḷagidon in sia noponag kon keledainea bo sinumungkud kon tayowon in sioḷ i Daud,