SAMUEL 1 20:32 - Alkitab Singog In Mongondow Masa In Tanaa

³² Dá tubag i Yonatan, “Nongonu sin mustibí in sia matoi? Onu in dosanea?”

SAMUEL 1 20:32 ပူးပေါင်းရင်းမြစ်များ

KINOBAḺIAN 31:36

Dá sinumorúdon in ki Yakub, “Romúdon onu inta ain inaidanku?” Sia in noḻibó takindon sinumorú totok. “Onu in taḷáku nodapot iko nogaḷow kon inakó?

AMSAL 22:24

Dika moyobayat in intau inta moibog tumorú bo ḷagi moponik in dugú.

MOHOHUTUBA 7:9

Dika baḷú tumorú totok; tongábí intau bodok in motagú kon gina.

MOHOHUTUBA 9:3

Dá, ukur inta motongkai in moiumabí doman kon i monia komintan. Bo tua in soaḷ inta mokonakit kon gina ná doman bayongan inta nobaḻí kon dunia. Kon dodai in mobiagpa gina in intau nopuḻing in inta moraat, bo raiannea in nopuḻing doman in kabodokan. Bo daḻídon in sia moyodungkuḷ in wakutunea matoi.

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

MATIUS 27:23

Sia in bui noḻibó, “Táe oaid moraat naonda inta aindon inaidan-Nea?” Táe mosia in kopiadon momaḷú in moguman, “Popopakú in Sia kon kayu pinoyotaḻempang!”

LUKAS 23:22

Bo kon intoḷuneadon in ki Pilatus noḻibó kon i monia, “Táe onubí in taḷá-Nea? Akuoi in diábí nokouḻí kon taḷá-Nea tobatúpamai inta motaau baḻíon dodoyonan pohukuman kon i-Nia dapot in matoi! Akuoi in mosambokdon kon i-Nia, bodongka pobebason in Sia.”

YOHANES 7:51

“Podudui in hukum i Musa, tobatú intau in diábí motaau in hukumon aka pelekaranea diápa kinotaauan bo oaidnea in diápa pinirikisa.”

SAMUEL 1 18:11

“Ponakuḷku in pandong tanaa kon i Daud dapot in moidapot kon dinding!” tua in kon raian i Saul, bo pinonampoknea in pandong tatua kon i Daud kodua, táe ki Daud sinimí.

SAMUEL 1 19:4

Bo ki Yonatan nongonguman kon inta mopia soaḷ ki Daud kon i Saul, kainia, “Amá, dikadon in ki Amá mogaid kon inta mokobodito kon i Daud bobantungmu. Sin sia tua in diábí nomia kon onu inta noitaḷá kon i amá; sedang bo sia tua in nogaidon kon inta baraguna totok kon i Amá.

SAMUEL 1 19:5

Sia ain nopotaru in kobiagannea kon dodai in noḻimod kon i Goliat, bo ki Tuhan nobogoidon in kauntungan moḷoben kon Israel pinongin inia. Ki Amá tontaní in nokoontong kon onu inta nobaḻí tatua, bo nopia in gina i amá in nokoontong kon dodai intua. Dá, nongonu sin tanaa in ki Amá in moibogbí mopororigamai kon intau inta diá kotaḷá bo moibog moḻimod kon i Daud takin diá in kinodoyonannea?”

SAMUEL 1 20:1

Dá noḷaguidon in ki Daud nongkon Nayot kon diug in Rama bo minayá nokipodungkuḷ kon i Yonatan, bo noḻibó, “Onu in taḷáku? Onu degá in moraat inta pinomiaku bo onu in dosaku kon i amámu modapot in sia moniatbí mako moḻimod kon inakó?”

SAMUEL 1 20:7

Aka ki datu moguman, ‘Mopiadon,’ dá moaman in akuoi, táe aka ki datu tumorú, dá pokotaaudon kon ki datu in nomontowdon kon tosingogon kon mopobodito kon inakó.

SAMUEL 1 22:14

Bo ki Ahimelek in notubag, “Táe kinotaauanku in ki Daud tua in porwirabí i Tuang datu inta totok in mosatia! Sia in nobuḷoi domandon kon i adí i Tuang tontaní, tongguḷu pongawal tontaní i Tuang datu, bo totok in i horomat in bayongan intau kon bonu in komaḻig i Tuang datu.