SAMUEL 1 20:31 - Alkitab Singog In Mongondow Masa In Tanaa

³¹ Diábí kinotaauanmu degá kon aka ki Daud in mobiagpa yo iko in diábí mobaḻí datu kon butá tanaa? Potabádon in tanaa in intau motayak kon inia bo diaan poangoi in naa, sin mustibí in sia matoi!”

SAMUEL 1 20:31 ပူးပေါင်းရင်းမြစ်များ

SAMUEL 2 12:5

Nokodongogmai kon tua in ki Daud sinumorúdon totok sin aid in intau nooyúon tatua bo poḷat in sia noguman, “Totokbí in moraat in intau nooyúon tatua! Podoyon kon tangoi i Tuhan inta nobiag, intau tatua in mustibí monoḻiu kon ki adí in domba koopat noguntuḷ in kobayongnea bo sia in mustibí hukumon matoi!”

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”

MAZMUR 79:11

Indongogaipa kaasí in ongot in intau mita inta pinonjara; igumon mako intau mita inta ain sinantú matoi in pomayádon mako popisí in kawasa-Mu.

SAMUEL 1 19:6

Nokidongog in ki Saul kon tonggina i Yonatan tatua, bo nongibot in sia pinodoyon kon tangoi i Tuhan kon diábí ḻimodonnea in ki Daud.

SAMUEL 1 20:30

Nokodongogmai kon tua ki Saul sinumorú totok kon i Yonatan bo noguman kon inia, “Adí haram inta diá dinidik! Kinotaauankudon in tanaa kon iko in nomiḻídon kon i Daud bo nokopooyámaidon kon inimu bo kon inámu!

SAMUEL 1 20:8

Akuoi in mokituḷung kon inimu, sin kitada in nomiadon kon dodandian kon tayowon i Tuhan. Tongá aka akuoi in kotaḷá, yo ḻimodon in akuoi, táe dikabí in akuoi ogoimu kon i amámu.”

SAMUEL 1 23:17

Guman i Yonatan kon inia, “Dika moondok, iko in diábí kokawasaan i amáku. Kinotaauanneabí totok kon ikobí in mobaḻí datu in Israel bo akuoi in mokouḻíbí kon oaidan kon ḻimonaganmu.”

SAMUEL 1 26:16

Iko nion in diá mokoaid kon oaidanmu, Abner! Podoyon kon i Tuhan inta nobiag moiko komintan in patusbí matoi, sin diá noḷukad kon i tuangmu, datu inta piniḻí i Tuhan. Tungkuḷaika indoiai! Kon onda degá in pandong i datu? Kon onda degá in tampat in tubig inta inukat kon uḷuannea?”