SAMUEL 1 20:30 - Alkitab Singog In Mongondow Masa In Tanaa

³⁰ Nokodongogmai kon tua ki Saul sinumorú totok kon i Yonatan bo noguman kon inia, “Adí haram inta diá dinidik! Kinotaauankudon in tanaa kon iko in nomiḻídon kon i Daud bo nokopooyámaidon kon inimu bo kon inámu!

SAMUEL 1 20:30 ပူးပေါင်းရင်းမြစ်များ

AYUB 5:2

Tongábí intau inta bodok in matoi dinia in nakit in ginanea.

AMSAL 14:29

Intau mobijaksana diábí in sia bayá-bayá tumorú; intau bodok diá mokoigon kon ginanea.

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

AMSAL 19:12

Torú in datu naonda bo ganggor in singa; kopopia in datu naonda bo oḷú inta momobat kon mobobiag mita.

AMSAL 19:19

Biódon mako in intau inta moḷongka-ḷongkang mako in tumorú motarima tontaní kon bungainea. Aka iko motuḷung kon inia, iko in tongábí modugang kon torúnea.

AMSAL 21:24

Intau moḷoḷatú bo mosiḷantud in moibogbí moningkuḻe bo diá koendar.

AMSAL 25:28

Intau inta diá mokoigon kon ginanea in naonda bo kotá inta ain noumpag in dindingnea.

AMSAL 27:3

Batu bo bungaion tua in mogaanpabí, aka poyobandingonmai in nakit in gina popisí in intau bodok.

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

EPESUS 4:31

Ḷumbúdon in bayongan inta mokosakí kon gina, donaaidon motagú kon gina bo rogi. Donaai domandon umuran moyogenggeng bo mosiponapudan in diá totuu bo ḷumbú domandon in bayongan inta moraat.

EPESUS 6:4

Bo moiko uḻe guyanga mita ḷoḷaki! Dika rupa-rupaanmai monimu in mosia modapot in tumorú. Nanaa in aidai: biag in mosia kotompia bo tundú in onu inta mopia bo tongginaai podudui inta kinoibog i Tuhan.

SAMUEL 1 20:29

Kainia, ‘Ogoiaipa in akuoi in wakutu mayá, sin motoḷuadíku in yogot morame kon pobogoian kon kuruban kon Betlehem, bo akuoi in pinotabá i guya-guyangku mamangoi. Tuamai, aka ogoimu, dá biódon mako in akuoi mayá mokipodungkuḷ kon utatku mita.’ Manangka intua diá in sia namangoi kon pinongaanan noyotakin naa, Amá.”

SAMUEL 1 20:31

Diábí kinotaauanmu degá kon aka ki Daud in mobiagpa yo iko in diábí mobaḻí datu kon butá tanaa? Potabádon in tanaa in intau motayak kon inia bo diaan poangoi in naa, sin mustibí in sia matoi!”