SAMUEL 1 20:24 - Alkitab Singog In Mongondow Masa In Tanaa

²⁴ Dá nogadopdon in ki Daud kon dogami. Kon Rame Buḷan Mobagu, ki Datu Saul namangoi kon pinongaanan.

SAMUEL 1 20:24 ပူးပေါင်းရင်းမြစ်များ

AMSAL 15:17

Mopia-piabí kon mokaan kon kuyat táe takin totabian, dika in mokaan kon ponoyá inta mopira táe takin yoyaatan.

AMSAL 17:1

Maníka kaanon topoputok takin popiaan, dika in kaanon mopia inta mobarong takin bobayowan.

AMSAL 21:27

Ki Tuhan in doíbí kon sosumba in intau inta moraat, apa doman aka pinosumba pinongin makusud inta mokooyá.

AMSAL 21:3

Oaid inta moadil bo mobanar in mokosanang totok kon gina i Tuhan moiḻiu kon bayongan in sosumba.

AMSAL 4:17

Aid moraat bo inta moromú in naonda bo kaanon bo inumon kon i monia.

ZAKHARIA 7:6

Natua doman kon dodai in mosia nongaan bo nonginum, mosia in tongábí mopoorop in ibog monia tontaní.”

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

SAMUEL 1 20:23

Poigumon mako ki Tuhan moḷukad sinbá kita in umuran kumadai kon dodandian natonda tua.”

SAMUEL 1 20:25

Ná biasamai iḻimitú in sia kon diug in dinding; Ki Yonatan in nogamá kon ḷoḻitúan inta noyogintayowannea, ki Abner kon diugmai i Saul, táe diábí in iḻimitú kon ḷoḻitúan i Daud.

SAMUEL 1 20:5

Ki Daud in notubag, “Nanaa, ikoḷom in Rame Buḷan Mobagu, bo sabanarnea akuoi in mongaanbí moyotakin i Tuangku. Táe aka moibog in iko, yo mayá in akuoi bo mogadop kon dogami modapot in toumá doḷom.