SAMUEL 1 20:23 - Alkitab Singog In Mongondow Masa In Tanaa

²³ Poigumon mako ki Tuhan moḷukad sinbá kita in umuran kumadai kon dodandian natonda tua.”

SAMUEL 1 20:23 ပူးပေါင်းရင်းမြစ်များ

KINOBAḺIAN 16:5

Bo ki Sarai in noguman kon i Abram: “Inogoikudon in ki Hagar bobantungku tua kon inimu, tongá naonda in kinotaauannea kon sidia in sia, sia in moningkuḻemaidon kon inakó. Tua in taḷámudon. Poigumon mako ki Tuhan mobaḻídon hakim kon sigad inatonda.”

KINOBAḺIAN 31:49

Ki Laban in noguman doman, “Poigumon mako ki Tuhan umuran moindoi kon i naton kon bonu in kita mobiag moyogiyayúan.” Tuamai tampat tatua sinangoiandon Mizpa.

KINOBAḺIAN 31:50

Ki Laban buipa doman noguman, “Aka iko mogaid kon inta moraat kon i adíku mita, ande mobuḷoi bui kon bobay mita ibanea, umpaka diá in nokototaau, yo pokotorop, ki Allah tantú moindoi mako kon inaton.

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.

SAMUEL 1 20:24

Dá nogadopdon in ki Daud kon dogami. Kon Rame Buḷan Mobagu, ki Datu Saul namangoi kon pinongaanan.

SAMUEL 1 20:42

Onda inta nogumandon in ki Yonatan kon i Daud, “Poigumon mako ki Allah in motuḷung kon inimu. Ki Tuhan in moḷukadbí kon inaton bo buí naton in umuranbí mokadai kon dodandian natonda kon tayowon i Allah.” Nopaḷut mako kon tua minayádon in ki Daud, bo ki Yonatan in nobuidon kon kotá.