SAMUEL 1 20:16 - Alkitab Singog In Mongondow Masa In Tanaa

¹⁶ dikabí bontowon in dodandian kon sigad natonda. Aka modapot in mobontow, yo ki Tuhandon in mohukum kon inimu.”

SAMUEL 1 20:16 ပူးပေါင်းရင်းမြစ်များ

KINOBAḺIAN 15:18

Kon dodai doman tuata ki Tuhan nogaid kon dodandian takin i Abram. Guman i Tuhan, “Akuoi in modandi kon ogoi-Ku kon buímu in bayongan butá tanaa, pinangkoi kon sigad in butá in Mesir modapot kon Ongkag in Eprat,

SAMUEL 2 21:8

Inta ginamá i Daud in ki Armoni bo ki Mepiboset, inta ki adí ḷoḷaki i Saul inta pinononggadí i Rizpa adí i Aya; bo ḻima doman in ki adí ḷoḷaki i Merab adí bobay i Saul, adí mita tatua in pinononggadí kon bonu in tonibuḷoi i Merab bo i Adriel adí i Barzilai, intau in Mehola tatua.

YEREMIA 40:9

Ki Gedalya in noguman kon i monia, “Moiko in dikabí moondok in tumungkud kon intau in Babel. Pogutundon kon butá naton tanaa, bo koibogdon mobaḻí ata in datu in Babel. Mopirisayabí in akuoi kon mosaḷamatbí in moiko.

ULANGAN 23:21

Aka moiko nopodandi in onuka kon i Tuhan Allahmu, dikabí in umuran momaḷu-maḷui kon wakutu in mogintompod kon dandi tatua, sin umuranbí tuntuton i Tuhan Allahmu intua, bo baradosaanbí in moiko aka diá intompodan monimu intua.

YOSUA 22:23

Ki Tuhandon tontaní in mohukum kon inami, aka kami in niat moḷawang kon i Tuhan bo moposindog in mezbah nami tontaní sin moposumba in kuruban payongon ande kuruban gandum ande kuruban yoyobayatan kon tudunea.

SAMUEL 1 18:3

Tuamai in nongibot in ki Yonatan kon umuranbí moyobayat i Daud kinoouput in kinobiagannea.

SAMUEL 1 20:42

Onda inta nogumandon in ki Yonatan kon i Daud, “Poigumon mako ki Allah in motuḷung kon inimu. Ki Tuhan in moḷukadbí kon inaton bo buí naton in umuranbí mokadai kon dodandian natonda kon tayowon i Allah.” Nopaḷut mako kon tua minayádon in ki Daud, bo ki Yonatan in nobuidon kon kotá.

SAMUEL 1 22:8

Tua degá in nokopopisí kon i monimu in noyopakatdon kon moḷawang kon inakó bo diá tobatúmai in nopotaau kon inakó kon ki adíku in nomihakdon kon i Daud tua? Diábí in tobatúmai in kon sigad monimu in morai kon kobiaganku andeka mopotaau kon inakó kon ki Daud, intauku tua, in kon tanaa mako in mogoḷatdon mako kon kasampatan moḻimod kon inakó, bo ná doman tua in ki Yonatan ki adíku in ain noginrigon kon raiannea!”

SAMUEL 1 23:18

Onda intua ki Daud bo ki Yonatan in nomia kon dodandian yoyobayatan kon tayowon i Tuhan. Nopaḷut mako kon tua ki Yonatan in nobui kon baḷoinea, bo ki Daud in umuranpabí nogutun kon Hores.

SAMUEL 1 25:22

Igumon mako ki Allah in moḻimod kon inakó aka diá ḻimodonku komintan in bayongan ḷoḷaki kon tua kon dodai in mata in singgai momukádon!”

SAMUEL 1 25:26

Ki Allah ain nogimaḷow kon i Tuangku motuḻí bo moḻimod kon musung mita i Tuang. Bo tanaa Tuangku, podoyon kon i Tuhan inta nobiag, bobantung naa in mongibot, igumon mako nasib in bayongan musung i Tuangku bo bayongan in intau inta moibog momia kon mokobodito kon i Tuangku in mobaḻídon ná nasib in Nabal.

SAMUEL 1 31:2

Táe mosia in dinuduran in intau in Pilistin bo ki adí ḷoḷaki i Saul taya toḷu inta ki Yonatan, ki Abinadab, bo ki Malkisua, in minatoi iḻimod.