SAMUEL 1 20:12 - Alkitab Singog In Mongondow Masa In Tanaa

¹² Bo ki Yonatan in noguman kon i Daud, “Igumon mako ki Tuhan Allah in Israel in mobaḻí sakusi kon i natonda! Ikoḷom doḷo-doḷom andeka toumá degá orasmai ná tanaa, ḷongasionku totaauon onu in kon bonu in gina i amáku. Aka mopia in dodianea kon inimu, yo pokidiaanku in koyow kon inimu.

SAMUEL 1 20:12 ပူးပေါင်းရင်းမြစ်များ

SAMUEL 2 21:7

Táe popisí in ki Daud bo ki Yonatan aindon nongongibotan, ki Daud in diábí nobogoi kon i Mepiboset adí i Yonatan.

AYUB 31:4

Kinotaauanbí i Allah in bayongan oaidku; inontong-Nea in bayongan ḷampangku.

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

AMSAL 20:5

Bonu in gina in intau naonda bo tubig kon bonu in parigí inta modaḷom; táe kotayukanbí in intau inta mopandoi.

YOSUA 22:22

“Inta Totok in Mokawasa tuata in ki Tuhan! Inta Totok in Mokawasa tuata in ki Tuhan! Kinotaauan-Neabí kon nongonubí sin kami in nomiabí kon natua, bo ibogon nami sinbá kotaauan doman monimu mongo nongonu sin pinomiabí nami in natua! Aka kuma bo pinomia nami intua sin moḷawang kon i Tuhan andeka kami in diádon mopirisaya kon i-Nia, dá pobiódon mako in kami matoi tanaa doman mako!

SAMUEL 1 20:11

“Koḻigaidon in kita mayá in dogami” guman i Yonatan. Dá minayádon noyotakin in taya dua kon dogami.

SAMUEL 1 20:13

Aka sia moniat mopogutú kon inimu, yo notantúbí doman kon potaaukubí doman kon inimu sinbá mokoḷagui in iko. Igumon mako ki Tuhan moḻimod kon inakó aka tua bo diá pomiaanku. Poigumon mako ki Tuhan motuḷung kon inimu ná doman pinototuḷung-Nea kon i amáku koḻipod!

SAMUEL 1 23:18

Onda intua ki Daud bo ki Yonatan in nomia kon dodandian yoyobayatan kon tayowon i Tuhan. Nopaḷut mako kon tua ki Yonatan in nobui kon baḷoinea, bo ki Daud in umuranpabí nogutun kon Hores.