SAMUEL 1 2:35 - Alkitab Singog In Mongondow Masa In Tanaa

³⁵ Onda intua Akuoi in momiḻídon kon imang inta mosatia kon i-Nakó bo mogaid kon onu inta pinoki aid-Ku kon inia. Kon inia tua in ogoian-Ku in buí inta umuran mopobayá in oaidan imang kon tayowon in datu mita inta piniḻí-Ku.

SAMUEL 1 2:35 ပူးပေါင်းရင်းမြစ်များ

SAMUEL 2 7:27

Tuhan Inta Totok in Mokawasa! Nokopobaranidon in akuoi in nopoyaput in sambayangku tanaa kon ini-Mu, sin Ikodon tontaní in nopotaau kon inakó kon adí bo ompuku bo namonag in baḻíon-Mu datu kon bangusa tanaa.

DATU MITA IMITÁNEA 1:45

bo ki Zadok takin ki Natan ain noduí kon inia kon bokaká in tubig in Gihon. Tanaa mosia in nobuidon kon kotá sindaḷan morogiow morame, bo bayongan in kotá modoḻiok. Tuata in rame inta dinongog monimu koina.

DATU MITA IMITÁNEA 1:8

Táe ki Imang Zadok, ki Benaya adí i Yoyada, ki Nabi Natan, ki Simei, ki Rei bo moḷoḷukad kon i Datu Daud in doíbí kon i Adonia.

DATU MITA IMITÁNEA 11:38

Aka iko, ná mogogundoi-Ku ki Daud, motoindudui totu-totuu kon i-Nakó bo mobiag podudui in hukum-Ku mita, bo mokosanang kon gina-Ku takin mopoaid in bayongan inta pinarenta-Ku kon inimu, dá Akuoi in umuranbí moyotakinmu. Baḻíon-Kubí in iko datu kon Israel. Jaminon-Kubí kon buímu in mobaḻíbí datu in Israel momaḷui kon inimu, notongkai ná inta pinomia-Ku kon i Daud.

DATU MITA IMITÁNEA 2:35

Onda intua ki datu noduí kon i Benaya nobaḻí tongguḷu totok in tontara nonoḻiu kon i Yoab, bo ki Zadok in dinuí nobaḻí imang nonoḻiu kon i Abyatar.

TAWARIKH 1 29:22

Kon singgai tua mosia in nongaan bo nonginum takin pia in gina kon tayowon i Tuhan. Bo kon induaneadon in mosia nopotaau kon ki Salomo in nobaḻí datu. Pinodoyon kon tangoi Tuhan, mosia in nopobaḻídon kon inia nobaḻí datu monia bo ki Zadok in nobaḻí imang.

MAZMUR 18:50

Dá pinomuliaku in Iko kon sigad in bangusa mita, bo akuoi in nopoyaput in dondong dodayow kon ini-Mu.

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

YEHEZKIEL 34:23

Akuoi in moduíbí kon datu tobatú inta ná mogogundoi-Ku ki Daud, sin baḻíon-Ku gombala monia totobatú tua, bo sia in moḷukad kon i monia.

PINOGIAPAN 25:13

Sia bo buínea in tantúon-Kudon umuran mobaḻí imang, sin sia aindon noramuji totok noguntu kon kahoromatan-Ku, ki Allahnea, bo ain doman nomia kon pondamean kon dosa in intau Israel.”

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

SAMUEL 1 10:10

Naonda in ki Saul bo bobantungnea noyaput kon Gibea, noyodungkuḷ in mosia in nabi mita. Kon dodai doman intua ki Saul kinawasa in Roho i Allah, bo sinumakindon in sia notayok bo norogiow takin nabi mita tatua.

SAMUEL 1 10:9

Naonda in ki Saul nonaḷámaidon kon i Samuel, ki Tuhan nobogoidon in dodia mobagu kon i Saul. Bo bayongan inta pinotaau i Samuel kon inia in nobaḻí domandon singgai tua.

SAMUEL 1 12:3

Tanaa in akuoi sinimindogdon kon tayowon monimu! Aka akuoi in nogaidon kon taḷá, yo potaaudon kon tayowon i Tuhan bo kon tayowon i datu inta piniḻí-Nea. Degá nokoimontandon in akuoi nogamá kon sapi andeka keledai in intau ibanea? Degá nokoimontandon in akuoi nonguboḷ andeka noposikisa andeka notarima kon doit poguboḻi kon taḷá? Pogumandon, sinbá onukabí inta ain ginamáku yo pobuionkudon bui.”

SAMUEL 1 16:13

Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.

SAMUEL 1 2:36

Pomuḷoi in bui inta nobiagpa, in mayábí kon i imang tatua sin moigum kon doit bo kaanon. Sia in mopoigum: Ogoiaipa in akuoi in wakutu motuḷung kon imang mita, sinbá akuoi mokouḻí kon kaanon umpaka tongá komintan kaanon.”

SAMUEL 1 25:28

Ampungdon kaasí in ḷaḷoi in bobantung naa. Ki Tuhan in notantú bidon kon mopobaḻí kon i Tuangku takin buí i Tuangku datu kon Israel, sin ki Tuang in noparang kon kopontingan i Tuhan; bo ki Tuangku in diábí mogaid kon inta moraat kinoouput in kinobiagan.

SAMUEL 1 3:1

Kon dodai intua, ki Samuel inta mongoadípa tua nogundoi kon i Tuhan kon bonu in totundú i Eli. Kon tungkuḷ intua moḷawádon totok in oyúon in koyow bo oontongon nongkon i Tuhan.

SAMUEL 1 7:9

Tuamai in ki Samuel noratá kon ki adí in domba inta batáneapa, bodongka pinosumba nobaḻí sosumba payongon kon i Tuhan. Nopaḷut mako kon tua nosambayang in sia nopoigum sinbá ki Tuhan in motuḷung kon intau in Israel, bo inindogogan i Tuhan in sambayangnea tatua.

SAMUEL 1 8:3

Táe mosia in diá dinumudui kon dodia i amá monia, táe tongábí motayak kon kauntungan monia tontaní. Mosia in moibog uboḻian kon pelekara bo diá moadil in mohakim kon rayat.

SAMUEL 1 9:12

“Oo, oyúon,” tubag in mongodeaga mita tatua, “bagupa in sia minayá noiuna kon i monimu. Aka moiko ḻimikat, yo degá kobatukanbí monimu in sia. Sia in bagu namangoi in kotá sin singgai naa kon tudu in mezbah kon buḷud oyúon in sosumba kuruban kon rayat. Intau mita inta sinoko oiní in diápabí mongaan aka diápa in sia moiangoi, sin sia in munapabí momarakat kon sosumba tatua. Aka moiko mayá kon tanaadon mako, yo moyodungkuḷbí monimu in sia kon dodai in sia diápa motakod kon buḷud sin mongaan.”