SAMUEL 1 2:31 - Alkitab Singog In Mongondow Masa In Tanaa

³¹ Indongogaidon, moiangoibí in wakutunea Akuoi in moḻimod kon bayongan tayowmobiag kon motoḷuadí bo bui inanakanmu, modapot in diádon in tobatúmai in ḷoḷaki kon bonu in motoḷuadímu in mononoi.

SAMUEL 1 2:31 ပူးပေါင်းရင်းမြစ်များ

DATU MITA IMITÁNEA 2:35

Onda intua ki datu noduí kon i Benaya nobaḻí tongguḷu totok in tontara nonoḻiu kon i Yoab, bo ki Zadok in dinuí nobaḻí imang nonoḻiu kon i Abyatar.

AYUB 22:9

Deemanbí tongá iko diá notuḷung kon intau boba-bobay mita, táe inta uno-unon in dinorotmu doman.

MAZMUR 37:17

Sin kawasa in intau moraat in putoḷonbí i Tuhan, táe intau mopia in ḷukadan-Neabí.

YEHEZKIEL 44:10

Ki Tuhan in noguman kon inakó, “Akuoi in mohukumbí kon intau mita in Lewi inta noyotakin in intau mita in Israel ibanea, inta ain nonaḷámai kon i-Nakó bo nosumba kon berhala.

SAMUEL 1 14:3

(Imang inta nodia kon epod in ki Ahiya adí i Ahitub, inta ki utat i Ikabod adí i Pinehas, bo ki Pinehas ki adí i Eli, in imang i Tuhan kon Silo.) Kinotaauan domandon in rayat kon ki Yonatan in minayá domandon nongkon tua.

SAMUEL 1 3:12

Kon singgai tatua mogaidon in Akuoi kon bayongan inta ain pinotaau-Ku kon motoḷuadí i Eli nongkon pinomangkoianmai nodapot in pangabisan.

SAMUEL 1 4:2

Tontara in Pilistin nomangkoidon nonubu, bo naonda in nomangkoidon noparang totok, tontara in Israel sinaḷow bo degá opatmai noribu in minatoi kon pinoparangan tatua.