SAMUEL 1 2:29 - Alkitab Singog In Mongondow Masa In Tanaa

²⁹ Dá, nongonu sin iko in tumurápabí in mokoontong kon kuruban mita inta pinodudui kon parenta-Ku, pinosumba in bangusa-Ku kon i-Nakó? Nongonu Eli, sin ki adímubí mita in poḻiuonmu horomaton nongkon i-Nakó, bo pomayámudon mako in mosia mopoḷongó in awak monia takin tonsilai inta totok in mopia nongkon bayongan in sosumba in bangusa-Ku kon i-Nakó?

SAMUEL 1 2:29 ပူးပေါင်းရင်းမြစ်များ

DATU MITA 2 12:6

Noidapot kon taong nogindoyowa nopuḷú bo toḷu kon pinomarentaan i Yoas, imang mita in diápabí doman nonompia kon onu inta nogoguyaat kon Baḷoi Tuhan.

MAZMUR 26:8

Akuoi in moibog kon Baḷoi-Mu, o Tuhan, pinogutunan-Mu inta notangkup in kamuliaan.

YEHEZKIEL 13:19

Moiko in nopoompámaidon kon i-Nakó kon tayowon in umat-Ku tongá bá mokouḻí kon tongonumai noyangkom in makoya bo tongonumai noputoḷ in roti. Intau mita inta diá kotaḷá, ḻimodon monimu bo intau mita inta patus matoi pinomayá mako monimu mobiag. Bo moiko in monguboḷ kon umat-Ku bo mosia in mopirisaya kon inimu.’ ”

YEHEZKIEL 34:10

Akuoi, ki Tuhan Inta Totok in moḷantud in moguman kon inimu, kon Akuoi naa in musungmu. Domba-Ku mita tatua in gamáan-Kubí bui nongkon inimu bo diádon ogoi-Ku bui kon i monimu; moiko in diá bidon ogoi-Ku morai kon kopontingan monimu tontaní. Domba-Ku mita in posaḷamaton-Kubí nongkon inimu dá mosia in diádon mobaḻí kokaanonmu.’ ”

YEHEZKIEL 34:2

“Ei intau ilo-ilow, torúaidon in datu mita in Israel, bo potaaudon in onu inta potaau-Ku, ki Tuhan Intau Totok in moḷantud kon i monia, ‘Moboditodon in moiko, ei gombala mita in Israel. Moiko in tongábí morai kon kopontinganmu tontaní, deemanbí kopontingan in dombamu mita.

HOSEA 4:8

Moiko in mobaḻí mooyúon popisí in dosa in umat-Ku, tuamai in ibogon monimu sinbá mosia in umuran mogaid kon dosa.

IMAMAT 19:15

Moiko musti motuḻid aka monantú kon taḷá; dika momihak kon intau bogá aka taḷánea bo dika moondok kon intau mita inta nooyúon.

MIKHA 3:5

Bangusaku inakaḷan in nabi mita inta nonoḻindap kon inta mopia kon intau inta mobogoi in doit, táe mosaturu bo mopoompámai kon intau inta diá mobogoi. Kon i monia nabi mita inta natua, ki Tuhan in noguman,

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

MATIUS 22:16

Mosia nopotabá kon dumodudui mita monia noyotakin in intau mita i Herodes sin moḻibó kon i Yesus nanaa, “Pak Guru, kinotaauan nami ki Pak Guru intau inta motuḻid in gina bo takin gina motuḻid doman ki Pak Guru moguman kon daḷan i Allah, bo diá doman ki Pak Guru moondok kon i ine kabí sin diábí poyoposion i Guru in intau.

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

SURAT I PAULUS KON JAMAAT RUM 16:18

Sin intau mita inta momia kon natua, deemanbí mogaid sin kopontingan i Kristus inta Tuhan naton, táe tongábí motayak kon kasanangan in gina monia tontaní. Dondouḷug bo singog monia moaḷus inta kodongogan tua in tongábí pakéon monia monguboḷ kon intau mita inta diápa nonotaau in onu bo onu.

KORINTUS 2 5:16

Manangka intua, kami in diábí monilai kon intau podudui in raian intau. Aka koḻipod bo nokoimontandon in kami nonilai kon i Kristus podudui in raian intau, yo masa inta naa in diá bidon natua.

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

ULANGAN 33:9

Mosia in mosatia kon ini-Mu noiḻiu kon ibanea mako, noiḻiu kon guyanga bo ginaḷum motoḷuadí. Parenta-Mu mita in dinuduian monia, dodandian-Mu in inintompodan monia.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

YOSUA 18:1

Naonda in nopotungkud mako in butá inta pinodandi i Tuhan, bayongan umat in Israel noyosipun kon Silo, bo mosia noposindog in Ḷoḷaigan Koangoian i Tuhan.

SAMUEL 1 3:13

Aindon pinotaau-Ku kon inia kon motoḷuadínea in umuran hukumon-Ku popisí in ki adínea mita ain nokopoonagmai kon i-Nakó. Kinotaauanbí i Eli in dosa mita monia tua, táe diábí sinorúannea.