SAMUEL 1 2:27 - Alkitab Singog In Mongondow Masa In Tanaa

²⁷ Kon singgai tobatú namangoidon in nabi tobatú kon i Eli bo nopotaau in koyow nongkon i Tuhan kon inia, kai-Nia, “Kon tungkuḷ in mogoguyangmu ki Harun bo motoḷuadínea nobaḻí ata i datu in Mesir, nokipogontongdon in Akuoi kon i Harun.

SAMUEL 1 2:27 ပူးပေါင်းရင်းမြစ်များ

DATU MITA IMITÁNEA 13:1

Kon dodai intua oyúon in nabi tobatú kon Yohuda. Sia in pinotabá i Tuhan mayá in Betel. Nabi tatua noiyaput intua kon tungkuḷ in ki Yerobeam simindog mako kon tayowon in mezbah sin moposumba in kuruban.

DATU MITA IMITÁNEA 2:27

Bo pinopogogaidon i Salomo in ki Abyatar saḷaku imang. Aid i Salomo tatua noponiata kon onu inta ain pinoguman i Tuhan kon Silo soaḷ buí i Imang Eli in totuu kon nobaḻídon.

IḶUAIAN 12:1

Ki Tuhan noguman kon i Musa bo kon i Harun kon butá in Mesir. Kai-Nia,

IḶUAIAN 12:43

Ki Tuhan noguman kon i Musa bo kon i Harun, “Naadon in atorang Singgai Moḷoben kon Paska. Intau ango-angoi diá motaau mokaan kon tapú in domba inta pinosumba kon singgai in Paska.

IḶUAIAN 4:27

Kon dodai intua ki Tuhan noguman kon i Harun, “Bayádon kon padang gurun mokipodungkuḷ kon i Musa.” Ki Harun minayá, bo noyodungkuḷ i ai-ainea kon buḷud motusi, bo inayokannea in ki Musa.

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

TIMOTIUS 1 6:11

Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.

HAKIM MITA 13:6

Nopaḷut mako kon tua ki buḷoi Manoah minayá kon i buḷoinea bo noguman, “Uḻe, totabá i Allah in namangoi kon inakó; batangannea in ná malaekat i Allah, dá inagían in ondok in akuoi. Diábí in akuoi noḻibó mongo nongkon onda in sia, bo diábí doman pinogumannea in tangoinea kon inakó.

HAKIM MITA 6:8

Ki Tuhan nopotabá mangoi kon i monia in nabi tobatú. Nabi tatua noguman, “Nanaa in guman i Tuhan, Allah in Israel: ‘Moiko ain pinoḷuat-Ku nongkon pinononggataan kon Mesir.

SAMUEL 1 3:12

Kon singgai tatua mogaidon in Akuoi kon bayongan inta ain pinotaau-Ku kon motoḷuadí i Eli nongkon pinomangkoianmai nodapot in pangabisan.

SAMUEL 1 9:4

Bo ki Saul takin bobantungnea noḻibu kon buḷud in Epraim bo butá in Salisa, táe diá nouḻí monia in bobiagon mita tatua. Onda intua minayá in mosia kon butá Sahalim, táe diábí doman in keledai mita tatua in kon tua. Mosia in minayá doman notayak kon butá in Benyamin, táe diábí doman in mangaḻenea.

SAMUEL 1 9:6

Bobantung tatua notubag, “Oḷatpa muna! Kon kotá tanaa oyúon in mogogundoi i Allah. Totok in sia ihoromat in intau sin onu in singogonnea in totu-totuubí kon mobaḻí. Igai in kita mayá kon inia, dika-dika bo motaaubí ḻibóon kon inia mongo kon onda in keledai mita tatua.”