SAMUEL 1 2:23 - Alkitab Singog In Mongondow Masa In Tanaa

²³ Tuamai in noguman in sia kon i adínea mita, kainia, “Akuoi nokouḻídon kon guman in bayongan umat soaḷ dodia monimu inta moraat. Nongonu sin inaidanbí monimu intua?

SAMUEL 1 2:23 ပူးပေါင်းရင်းမြစ်များ

YESAYA 3:9

Dodia monia inta moḷoḷatú moponiata kon aid monia inta moraat. Koonto-ontong mako mosia in mogaid kon dosa naonda bo intau in Sodom dungkuḷmai. Mobodito in mosia! Mosia in mopoangoi in bodito kon i monia tontaní.

YEREMIA 3:3

Tuamai in tubig nongkon ḷangit diá moḷabú, bo uyan kon sempo in pononubú diá doman moiango-angoi. Iko in naonda bo bobay sundaḷ, bo diá kotoguoyá.

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

OUMAN IN RASUL MITA 14:15

“Ei, nongonu sin moiko in mogaidbí kon nanaa? Kami naa in intaubí doman ná moiko! Kami in kon naa tongábí namangoi mopoyaput in Habar Mopia kon i monimu sinbá taḷaanmaidon monimu in soaḷ mita inta diá baraguna tanion bo mopirisayadon kon i Allah inta aindon nobiag nongkon kinopatoian-Nea, ki Allah inta nomia kon ḷangit bo butá, dagat bo bayongan inta kon bonunea.

OUMAN IN RASUL MITA 9:4

Dá noumpag in sia kon butá bo dinongognea in singog noguman nanaa kon inia, “Saulus, Saulus! Nongonu sin momogutúbí in iko kon i-Nakó?”

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.

SAMUEL 1 2:22

Ki Eli in nogoguyangdon totok. Umuran in sia mokodongog kon guman in intau soaḷ oaid i adínea mita kon intau in Israel. Kinotaauan domandon i Eli kon ki adínea mita tatua in nosiug domandon takin bobay mita inta nogaid kon tayowon ngara in Ḷoḷaigan Koangoian i Tuhan.

SAMUEL 1 2:24

Dikadon bui mogaid kon ná tatua adíku mita. Totuu kon totokbí in diá mopia in onu inta inouman in umat i Tuhan soaḷ aid monimu!