SAMUEL 1 2:20 - Alkitab Singog In Mongondow Masa In Tanaa

²⁰ Dá barakatan i Eli in Elkana bo ki buḷoinea, bo noguman in sia kon i Elkana, “Igumon mako buipa i Tuhan ogoian in adí mita in iko nongkon i buḷoimu tanaa, sin ponoḻiu kon adí inta ain inogoi monimu kon i Tuhan.” Nopaḷut mako kon tua nobuidon mosia kon Rama.

SAMUEL 1 2:20 ပူးပေါင်းရင်းမြစ်များ

KINOBAḺIAN 14:19

Bo ki Melkisedek in nomarakat kon i Abram, kainia, “Poigumon mako ki Allah inta Totok in Moḷantud, inta ain nomaḻí kon ḷangit bo butá, momarakat kon i Abram!

MALEAKHI 2:15

Kinotaauan monimu kon ki Allah Inta Totobatú tua noponobatúdon kon awak bo jiwa takin bobay tatua? Onu degá in makusud i Tuhan kon tua? Tongábí bá moiko in mokouḻí kon adí mita inta mobaḻí umat i Allah inta mopia. Dá ḷukadaibí in awakmu, dika modapot in oyúon in kon sigad monimu inta diá mosatia kon i buḷoinea bobay.

LUKAS 2:34

Ki Simeon nomarakat kon i monia bo noguman kon i Maria ki iná in Adí tatua, “Adí tanaa aindon piniḻí i Allah sin momutú bo moposaḷamat kon moantó intau Israel. Sia in mobaḻí tanda nongkon i Allah, inta bayowan in moantó intau,

RUT 2:12

Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”

RUT 4:11

Intau mita inta dinuí itoi kon tua bo intau ibanea inta kon tua noguman, “Oo, kamidon in sakusinea. Poigumon mako ki Tuhan in mopobaḻí kon i buḷoimu tua naonda bo ki Rakhel bo ki Lea inta nopononggadí in adí mobayong kon i Yakub. Poigumon mako iko in mobiagdon mooyúon totok kon sigad in intau mita nongkon inanakan in Eprata bo poigumon doman mako iko in mobaḻídon intau inta tango-tangoiondon totok kon Betlehem.

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”