SAMUEL 1 2:17 - Alkitab Singog In Mongondow Masa In Tanaa

¹⁷ Natuata in kobobaradosa i adí i Eli doyowa tatua kon tayowon i Tuhan, popisí in mosia mopoonagmai kon sosumba kuruban kon i Tuhan.

SAMUEL 1 2:17 ပူးပေါင်းရင်းမြစ်များ

KINOBAḺIAN 10:9

Takin totuḷung i Tuhan sia in nobaḻí pemburu inta totok in motoyang. Tuamai in nobaḻí istiaḷ intau nanaa, “Poigumon mako ki Tuhan mopobaḻí kon inimu tobatú pemburu inta motoyang ná ki Nimrod.”

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

KINOBAḺIAN 6:11

Táe bayongan intau ibanea komintandon moraat inontong i Allah, bo kobobiag inta moromú nobaḻídon kon bayongan in tampat.

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

MAZMUR 51:4

Bataaidon in bayongan in aidku moraat; daritaidon in akuoi nongkon dosaku.

YESAYA 3:8

Totuu, Yerusalem ain noḷabú! Yohuda ain noumpag! Popisí in bayongan tosingogon bo oaid monia moḷawang kon i Tuhan bo monontot kon kawasa-Nea.

MALEAKHI 2:13

Bo naa in aidmu inta ibanea. Mezbah i Tuhan in pinuḻingandon monimu in ḷuá; moiko in nongombaḷ bo mogamui sin ki Tuhan in doídon kon kurubanmu mita.

MATIUS 18:7

Totuu kon mobodito in dunia naa popisí in totundú inta mokopopisí kon intau mita baradosaan. Memang oyúonbí in wakutu pogaidan kon mokobaradosa kon intau, táe moboditodon in intau inta mogaid kon tua!

SAMUEL 1 2:16

Aka intau tatua motubag, “Mopia-piabí kon kita in dumudui kon atorang, bo motubápa muna kon ḷongónea tatua; baintua bo motaaudon in iko mogamá kinooibogmubí,” dá mototuḷung tatua moguman, “Diábí motaau, mustibí tanaa doman mako in ogoimu, aka diá, yo pakisaanku gamáan.”

SAMUEL 1 3:13

Aindon pinotaau-Ku kon inia kon motoḷuadínea in umuran hukumon-Ku popisí in ki adínea mita ain nokopoonagmai kon i-Nakó. Kinotaauanbí i Eli in dosa mita monia tua, táe diábí sinorúannea.