SAMUEL 1 2:13 - Alkitab Singog In Mongondow Masa In Tanaa

¹³ bo saḷaku imang mosia in mopomia ibo-ibog kon bangusa in Israel. Aka umpamanea oyúon in intau inta moposumba in kuruban, mototuḷung i imang mamangoi kodia-dia in porok inta toḷu in matanea. Kon dodai in ponoyá tatua kotuo-tuonpa,

SAMUEL 1 2:13 ပူးပေါင်းရင်းမြစ်များ

YEHEZKIEL 46:20

bo moguman, “Kon tampat tanaa imang mita musti motuon kon kuruban potobut kon dosa bo kuruban toḻiu in karugian bo motubá kon kuruban gandum, sinbá topiḻikmai nongkon kuruban inta motusi tatua diá diaan kon palas kon ḷuai modapot in mokobodito kon rayat,”

SAMUEL 1 2:14

porok tatua popoturak monia kon bonu in kuyon inta pinodungúan kon ponoyá tatua, bo onukabí in kinoturakan in porok tatua nobaḻídon kapunyaan in imang. Bayongan intau in Israel inta namangoi nongkon Silo sin moposumba in kuruban, komintan pomiaan monia natua.

SAMUEL 1 2:22

Ki Eli in nogoguyangdon totok. Umuran in sia mokodongog kon guman in intau soaḷ oaid i adínea mita kon intau in Israel. Kinotaauan domandon i Eli kon ki adínea mita tatua in nosiug domandon takin bobay mita inta nogaid kon tayowon ngara in Ḷoḷaigan Koangoian i Tuhan.

SAMUEL 1 2:29

Dá, nongonu sin iko in tumurápabí in mokoontong kon kuruban mita inta pinodudui kon parenta-Ku, pinosumba in bangusa-Ku kon i-Nakó? Nongonu Eli, sin ki adímubí mita in poḻiuonmu horomaton nongkon i-Nakó, bo pomayámudon mako in mosia mopoḷongó in awak monia takin tonsilai inta totok in mopia nongkon bayongan in sosumba in bangusa-Ku kon i-Nakó?