SAMUEL 1 19:4 - Alkitab Singog In Mongondow Masa In Tanaa

⁴ Bo ki Yonatan nongonguman kon inta mopia soaḷ ki Daud kon i Saul, kainia, “Amá, dikadon in ki Amá mogaid kon inta mokobodito kon i Daud bobantungmu. Sin sia tua in diábí nomia kon onu inta noitaḷá kon i amá; sedang bo sia tua in nogaidon kon inta baraguna totok kon i Amá.

SAMUEL 1 19:4 ပူးပေါင်းရင်းမြစ်များ

KINOBAḺIAN 42:22

Ki Ruben in notubag, “Kinotaauan bidon monimu kon koḻipod ain pinogumanku kon i monimu sinbá adí tatua donaai yagi-yagionmai. Táe moiko in doí mokidongog. Dá tanaa kinopatoiannea in potuḻídon kon inaton.”

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

TAWARIKH 2 6:22

Aka intau tobatú pinoponapudan kon kotaḷá kon intau ibanea bo dinia kon mezbah-Mu kon bonu in baḷoi-Mu tanaa sin mongibot kon sia in diá kotaḷá,

MAZMUR 35:12

Aidku inta mopia sinuḻían monia in aid moraat; akuoi in noḷomot kon dodai in kinobuḻian in kamang.

MAZMUR 59:4

Indoiai, mosia in noḷabot sin moḻimod kon inakó, intau mita moḻingá noyodugang moḷawang kon inakó; bokaka deemanbí popisí in nogaid kon dosa in akuoi andeka iḻimimpat, o Tuhan.

AMSAL 17:13

Ki ine in mopotuḻí in moraat kon inta mopia, yo aid moraat tatua in diábí doman kopoḷuaian nongkon baḷoinea.

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

KORINTUS 1 8:12

Bo aka natua in tantú aidan monimu kon bayongan utat mita Keresten – dá mangaḻenea kon tua, moiko in nomoguyaatdon kon pirisaya in intau inta diápa noguyang in pirisaya – dá baradosaandon kon i Kristus in moiko.

YOHANES 1 3:15

Intau inta mosaturu kon i utatnea in intaubí moḷoḻimod, bo kinotaauanbí monimu kon intau moḷoḻimod in diábí mokouḻí kon kobiagan mopia bo mononoi.

SAMUEL 1 2:25

Aka intau mogaid kon taḷá kon tumpaḷa intau, yo motaaupabí tuḷungan i Allah; táe aka intau momia kon dosa kon i Tuhan, yo ki ine in motaau motuḷung kon inia?” Táe doíbí in mosia mokidongogmai kon tonggina i Eli, amá monia, sin sinantúdon i Tuhan kon ḻimodon in monia.

SAMUEL 1 20:32

Dá tubag i Yonatan, “Nongonu sin mustibí in sia matoi? Onu in dosanea?”

SAMUEL 1 22:14

Bo ki Ahimelek in notubag, “Táe kinotaauanku in ki Daud tua in porwirabí i Tuang datu inta totok in mosatia! Sia in nobuḷoi domandon kon i adí i Tuang tontaní, tongguḷu pongawal tontaní i Tuang datu, bo totok in i horomat in bayongan intau kon bonu in komaḻig i Tuang datu.