SAMUEL 1 19:24 - Alkitab Singog In Mongondow Masa In Tanaa

²⁴ Naonda in noyaput intua, sia in noḷongkut kon pakeangnea bo notayok sindaḷan momaḷú kon tayowon i Samuel, bo noumpag kon butá takin diá koḷambu-ḷambung tosinggai bo tonggobii tua. (Naa in pinomangkoian in toḻibag inta noguman, “Nobaḻí domandon nabi degá in ki Saul?”)

SAMUEL 1 19:24 ပူးပေါင်းရင်းမြစ်များ

SAMUEL 2 6:14

Onda intua notayokdon totok in ki Daud takin ḷunganga in gina sin mohoromat kon i Tuhan. Kon dodai intua tongá in sia nomaké in sosapi linen inta nopoḷok inta sinogot kon ogotannea.

SAMUEL 2 6:20

Kon tungkuḷ in mobuidon in ki Daud kon komaḻig sin mopoyaput in salam kon motoḷuadínea, iḻumuai in ki Mikhal nokipodungkuḷ kon i Daud bo noguman, “Singgai in naa datu in Israel totu-totuudon nopohoromat kon awaknea tontaní! Nomilangdon in sia naonda bo intau dondunguḷ inta diádon kooyá kon tayowon in ata mita bobay buḷoi in pogawai mita in komaḻig!”

YESAYA 20:2

Toḷu notaong noiuna, ki Tuhan nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

MIKHA 1:8

Tuamai in akuoi, ki Mikha, morobonoḷdon in ginaku bo mogamui. Akuoi in mayá takin diá mogiḷambung bo diá in aip in sioḷ sin moponiata kon totok in morobonoḷ in ginaku. Akuoi in mogayowdon naonda bo ungkú in kayuon bo mogayow naonda bo ḷagapan unta.

PINOGIAPAN 24:4

inta ain nokidongog kon tosingogon mita i Allah bo inta ain pinoki pogontongan i Inta Totok Mokawasa, kouḻi-uḻid, tongá kobuka-buká in mata.

OUMAN IN RASUL MITA 9:21

Bayongan in intau noherang in nokodongog kon i Saulus. Mosia in noguman, “Eta deemanbí sia naa inta moḷongasi moḻimod kon bayongan intau inta mopirisaya kon i Tuhan Yesus kon Yerusalem? Bo inta mamangoi doman naa sin modomok kon bayongan intau inta mopirisaya kon i Tuhan Yesus bo diaan kon tayowon in imang mita itoi!”

SAMUEL 1 10:6

Kon dodai doman in tuata iko in kawasaandon in Roho i Tuhan bo iko in dumuduidon kon tayok mita bo giow monia tua, bo iko in ogoiandon in dodia mobagu dá mobaḻídon intau ibanea.

SAMUEL 1 15:35

Nodapot in pangabisan kinobiagannea, ki Samuel diádon bui noyodungkuḷ i Saul. Táe noajar totok in gina i Samuel sin ki Tuhan in nomanasaḷ ain noduí kon i Saul nobaḻí datu in Israel.

SAMUEL 1 18:10

Nopoikoḷomai kon singgai ki Saul kon bonu in baḷoinea kokada-kadai in pandongnea bo daḻídon in sia kinawasaan in dimukud moraat inta pinotabá i Allah, nodapot in sia irumobut naonda bo intau nobundai. Kon dodai intua ki Daud mopogogitogmai in kecapi ná biasamai.