SAMUEL 1 19:23 - Alkitab Singog In Mongondow Masa In Tanaa

²³ Dá sia in nopobayá ná tua, táe sia in kinawasa doman in Roho i Allah, dá sia in notayok doman bo momaḷú kinoouput in binayáan nopobayá in Nayot.

SAMUEL 1 19:23 ပူးပေါင်းရင်းမြစ်များ

AMSAL 16:9

Intau in motaaubí momia kon tomayá, táe ki Allahbí in monantú kon daḷan kobiagannea.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

PINOGIAPAN 23:5

Bo pinotaaudon i Tuhan kon i Bileam in onu inta musti singogonnea, bo nopotabá bui kon inia mayá kon i Balak sin mopotaau in koyow i Tuhan kon inia.

PINOGIAPAN 24:2

bo nokoontong kon bangusa Israel inta nononḷoḷaigan inta sinondi-tondí pinodudui in suku bangusanea. Bo Roho i Allah nongawasa kon i Bileam,

MATIUS 7:22

Kon Singgai Ponantúan moantó in intau inta mogoiní kon i-Nakó: ‘Tuhan, Tuhan, takin moguman; kami naa inta nopoyaput in habar nongkon ini-Mu? Bo inta nomaké in tangoi-Mu in noguntun kon dimukud mita moraat bo nomaké doman in tangoi-Mu nogaid kon inta mokoherang kon intau?’

YOHANES 11:51

Sabanarnea ki Kayapas in nosingog kon tua, deemanbí nongkon raiannea tontaní. Táe saḷaku imang moḷoben taong tatua sia in nopotaaudon muna kon ki Yesus in matoibí sin kopontingan in bangusa Yahudi.

KORINTUS 1 13:2

Bo umpakabí in akuoi in mopandoi mopoyaput in Habar Mopia nongkon i Allah bo motaau doman totok in soaḷ mita inta nongoibuni, ande nonotaau kon bayongan yagi-yagi bo mopirisaya doman totok kon i Allah, sahingga in motaau mopopamping in buḷud, táe aka diá in tabiku kon tumpaḷa intau, yo diábí in mangaḻe in kobiaganku!

SAMUEL 1 10:10

Naonda in ki Saul bo bobantungnea noyaput kon Gibea, noyodungkuḷ in mosia in nabi mita. Kon dodai doman intua ki Saul kinawasa in Roho i Allah, bo sinumakindon in sia notayok bo norogiow takin nabi mita tatua.

SAMUEL 1 10:12

Bo intau tobatú inta nogutun kon tua in noḻibó, “Yo naonda in nabi mita ibanea tatua – aka podudui in raian monimu yo ki ine in ki amá monia?” Tuata in pinomangkoian in tosingogon tanaa, “Degá ki Saul in nobaḻí domandon nabi?”

SAMUEL 1 10:6

Kon dodai doman in tuata iko in kawasaandon in Roho i Tuhan bo iko in dumuduidon kon tayok mita bo giow monia tua, bo iko in ogoiandon in dodia mobagu dá mobaḻídon intau ibanea.

SAMUEL 1 18:10

Nopoikoḷomai kon singgai ki Saul kon bonu in baḷoinea kokada-kadai in pandongnea bo daḻídon in sia kinawasaan in dimukud moraat inta pinotabá i Allah, nodapot in sia irumobut naonda bo intau nobundai. Kon dodai intua ki Daud mopogogitogmai in kecapi ná biasamai.

SAMUEL 1 19:18

Naonda in ki Daud nokoḷaguidon, minayá in sia kon baḷoi i Samuel kon Rama, bo pinotaaunea in bayongan inta pinomia i Saul kon inia. Onda intua ki Daud bo ki Samuel noyotakin minayá in Nayot bo nogutun kon tua.

SAMUEL 1 19:20

Tuamai in ki Saul nopotabádon in tongonumai in totabá sin mayá modomok kon i Daud. Táe kino bayáanmai monia nabi mita noyosipun bo koyogot notayok noyotakin, ki Samuel in nobaḻí itoi. Bo totabá mita i Saul tatua kinawasa in Roho i Allah dá mosia doman in sinumakindon notayok bo nomaḷú.

SAMUEL 1 19:22

Tuamai nobuat in ki Saul minayá in Rama. Naonda in noyaput kon parigí moḷoben kon Sekhu, sia in noḻibó mongo kon onda in ki Samuel bo ki Daud, bo intau kon tua in noguman kon inia kon mosia in kon Nayot.