SAMUEL 1 19:17 - Alkitab Singog In Mongondow Masa In Tanaa

¹⁷ Ki Saul noguman kon i Mikhal, “Mokobaḻíbí totok in iko monguboḷ kon inakó nanaa! Musungku ain sinuḷunganmu noḷagui!” Tubag i Mikhal, “Sia in nopogogondok moḻimod kon inakó aka doí motuḷung kon inia moḷagui.”

SAMUEL 1 19:17 ပူးပေါင်းရင်းမြစ်များ

SAMUEL 2 17:20

Intau mita inta pinotabá i Absalom namangoi in baḷoi tatua bo noḻibó kon bobay tatua, “Kon onda in ki Ahimaas bo ki Yonatan?” “Bagupabí in mosia minayá iḷumoḷan kon ongkag,” tubagnea. Sinayakdon monia in tayowmobiag doyowa tatua, táe diábí nouḻí monia, bo nobuidon in mosia kon Yerusalem.

SAMUEL 2 2:22

Komintanpa doman in ki Abner noguman kon inia, “Dika mogaḷow kon inakó! Sinbá diá pakisakudon ḻimodon in iko. Dá, naondadon in pooindoiku kon i Yoab ki guya-guyangmu tua?”

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

MATIUS 2:16

Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

GALATIA 4:16

Yo degá saturuondon monimu in akuoi tanaa mako sin moguman kon totuu kon i monimu?

SAMUEL 1 19:14

Kon dodai in totabá mita i Saul namangoi sin modomok kon i Daud, ki Mikhal noguman, “Notakit in ki Daud.”

SAMUEL 1 19:16

Bo sinumuotdon in totabá tatua kon bonu in gopot bo noniata magí patongbí in inta noiukat mako kon tosiugan bo pinopouḷun kon olunan bubuḷ in bembé.

SAMUEL 1 22:17

Bo sia in nomarenta kon bayongan in moḷoḷukadnea inta sinimindog kon diugneamai, “Ḷagidon ḻimod in imang mita i Tuhan tatua! Mosia tua in noyopakatdon takin i Daud. Kinotaauandon monia kon ki Daud in noḷaguidon, táe mosia in doíbí nopotaau kon inakó.” Táe moḷoḷukadnea mita tatua in doíbí moḻimod kon imang mita i Tuhan tatua.

SAMUEL 1 28:12

Naonda in bobay tatua nokoontong kon i Samuel, kinumarak in sia bo noguman kon i Saul, “Nongonu sin ki Tuang in nonguboḷbí kon bobantung naa? Ki Tuangbí naa in ki Datu Saul!”