SAMUEL 1 19:13 - Alkitab Singog In Mongondow Masa In Tanaa

¹³ Nopaḷut mako kon tua ki Mikhal nogamá kon patong dewa in tonibuḷoinea bo inukatnea kon tosiugan i Daud. Bo kon dotá in uḷuannea inukatannea in oḷunan inta nongkon bubuḷ in bembé, bodongka dinaingannea in daing.

SAMUEL 1 19:13 ပူးပေါင်းရင်းမြစ်များ

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

HAKIM MITA 17:5

Ki Mikha naa in koyongandon oyúon in tobatú tampat pososumbaannea. Sia in nomia kon tongonumai in patong berhala bo todit in epod bo noduí kon i adínea ḷoḷaki tobatú nobaḻí imang.

HAKIM MITA 18:14

Intau toimata taya ḻima inta muna pinotabá tatua noguman kon yobayatnea mita, “Bá kotaauandon monimu kon baḷoi tobatú kon naa oyúon in patong inta inaipan in saḷaka! Oyúon doman in patong mita ibanea bo epod. Raika mongo onu in musti pomiaan naton.”

HAKIM MITA 18:17

Toimata taya ḻima tatua bayá-bayádon sinumuot kon baḷoi, bo nogamá kon patong kayu inta inaipan in saḷaka tatua takin patong mita ibanea, bo epod. Tayowmobiag in Lewi tatua in sinimindogdon mako takin tontara mita onom nogatut inta kon ngara moḷoben.

SAMUEL 1 19:16

Bo sinumuotdon in totabá tatua kon bonu in gopot bo noniata magí patongbí in inta noiukat mako kon tosiugan bo pinopouḷun kon olunan bubuḷ in bembé.