SAMUEL 1 19:11 - Alkitab Singog In Mongondow Masa In Tanaa

¹¹ Kon doḷom doman tuata ki Saul nopotabá in tongonumai in intau minayá kon i Daud sin motarap kon i Daud bo moḻimod kon inia naonda in doḷo-doḷomdon. Táe ki Mikhal ki buḷoinea in noguman kon inia, “Aka diá moḷagui in iko in doḷom naa, yo ikoḷom doḷo-doḷom notantú bidon kon ḻimodon monia in iko.”

SAMUEL 1 19:11 ပူးပေါင်းရင်းမြစ်များ

SAMUEL 2 3:13

Ki Daud in notubag, “Mopia! Poyaputdon in habar tanaa kon i Abner: Moibogbí in akuoi momia kon dodandian takinmu, tongá takin sarat tobatú: ki Mikhal, adí bobay i Saul, musti diaanmu mangoi kon inakó aka mamangoi in iko kon inakó.”

HAKIM MITA 16:2

Bo kinodongogandon in intau mita inta nogutun kon Gaza kon ki Simson in kon tua. Dá, binayádon iḻipung monia in tampat tatua bo iḷukadan monia in tonggobii tua kon ngara in kotá. Táe mosia in diábí nomia kon onu bo onu in doḷom tua sin mosia in norai, “Bain momuká in mata in singgai bo ḻimodon naton in sia.”

SAMUEL 1 19:20

Tuamai in ki Saul nopotabádon in tongonumai in totabá sin mayá modomok kon i Daud. Táe kino bayáanmai monia nabi mita noyosipun bo koyogot notayok noyotakin, ki Samuel in nobaḻí itoi. Bo totabá mita i Saul tatua kinawasa in Roho i Allah dá mosia doman in sinumakindon notayok bo nomaḷú.

SAMUEL 1 20:31

Diábí kinotaauanmu degá kon aka ki Daud in mobiagpa yo iko in diábí mobaḻí datu kon butá tanaa? Potabádon in tanaa in intau motayak kon inia bo diaan poangoi in naa, sin mustibí in sia matoi!”