SAMUEL 1 19:10 - Alkitab Singog In Mongondow Masa In Tanaa

¹⁰ Bo ki Saul moḷongasidon moponakuḷ in pandongnea kon i Daud inta iḻimitú kon diugmai in dinding. Táe sinimí in ki Daud, dá pandong tatua noitakuḷdon kon dinding. Ki Daud noḷagui sinbá diá mobodito in sia.

SAMUEL 1 19:10 ပူးပေါင်းရင်းမြစ်များ

MAZMUR 124:7

Kita in naonda bo ḷagapan inta nokobuḻi nongkon giman in mongonggiman, goguḷu tatua in nobontowdon, bo kita in nokobuḻidon!

MAZMUR 18:17

Nongkon omonik ki Tuhan nopotuntun in ḻima-Nea; kinadaian-Nea in akuoi bo inugut-Nea nongkon tubig inta noḻinow.

MAZMUR 34:19

Ki Tuhan in nodiug kon intau inta kinobuḻian in kamang; bo moposaḷamat kon intau inta noinggamá in ibog.

MAZMUR 37:32

Intau mopia tarapon mako in intau moraat inta motayak kon kasampatan moḻimod kon inia.

AMSAL 1:16

Diábí mosanang in gina monia, aka diápa mogaid kon inta moraat. Ibogon monia in ḷagibí moḻimod.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

HOSEA 6:4

Táe ki Tuhan in noguman, “Ei Israel bo Yohuda! Onu in musti aidan-Ku kon i monimu? Tabimu kon i-Nakó in motoyongbí moinggamá naonda bo topuot andeka oḷú doḷo-doḷom.

MATIUS 10:23

Aka moiko pogutúon monia kon tobatú kotá, yo poḷaguidon kon kotá ibanea. Sin poguman-Ku kon i monimu: Kon wakutu in diápa modait monimu kobayáan in ḻipu-ḻipúannea kon Israel, yo ki Adí Intau in namangoidon bui.

LUKAS 4:30

Táe minayá in Sia bo ginimilo-gilot mako kon intau mobayong dá diá nouḻí monia bo minayádon in Sia.

YOHANES 10:39

Buidon doman ramujion domokon monia in ki Yesus, táe diápa doman kinodomokan monia.

IBRANI 11:34

tuḷu inta noborambang nopiong monia, bo mosia in diábí kinotakuḷan. Mosia in noḻemé táe nobaḻí noropot, mosia noḷoḷakidon kon pinoparangan sahingga in sinaḷow monia in tontara mita in bangusa ibanea.

SAMUEL 1 18:10

Nopoikoḷomai kon singgai ki Saul kon bonu in baḷoinea kokada-kadai in pandongnea bo daḻídon in sia kinawasaan in dimukud moraat inta pinotabá i Allah, nodapot in sia irumobut naonda bo intau nobundai. Kon dodai intua ki Daud mopogogitogmai in kecapi ná biasamai.

SAMUEL 1 18:11

“Ponakuḷku in pandong tanaa kon i Daud dapot in moidapot kon dinding!” tua in kon raian i Saul, bo pinonampoknea in pandong tatua kon i Daud kodua, táe ki Daud sinimí.

SAMUEL 1 19:6

Nokidongog in ki Saul kon tonggina i Yonatan tatua, bo nongibot in sia pinodoyon kon tangoi i Tuhan kon diábí ḻimodonnea in ki Daud.

SAMUEL 1 20:33

Nokodongogmai kon tua in ki Saul noponakuḷ in pandongnea kon i Yonatan sin moḻimod kon inia. Dá kinotaauandon kon totu-totuu bidon in ki Saul moḷongasi moḻimod kon i Daud.