SAMUEL 1 18:5 - Alkitab Singog In Mongondow Masa In Tanaa

⁵ Mopia komintan in pinogogai i Daud kon bayongan inta pinoki aid i Saul kon inia. Tuamai in binaḻí i Saul in sia porwira kon bonu in tontaranea, bo ki Daud in kinoibog in bayongan tontara bo bobantung mita i Saul.

SAMUEL 1 18:5 ပူးပေါင်းရင်းမြစ်များ

KINOBAḺIAN 39:23

Itoi in ponjara tatua diá bidon umuran moindoimai kon onu inta ain pinoki aidnea kon i Yusup, sin ki Tuhan notuḷung kon inia dapot in bayongan inta aidannea umuranbí mobaḻí motompia.

SAMUEL 2 5:10

Koonggot-koonggot koropot-koropotdon in ki Daud, sin ki Tuhan, Allah Inta Totok in Mokawasa notuḷung kon inia.

SAMUEL 2 5:2

Nongkon koḻipod, sedang bo kon tungkuḷpabí in ki Saul nomarentapa kon inami, ki Tuang doman inta nodia kon tontara in Israel pomuḷoi in mayá moparang, apa doman ki Tuhan ain nodandi kon i Tuang kon ki Tuangbí in mobaḻí itoi in umat-Nea bo mobaḻí datu monia.”

TAWARIKH 2 17:3

Ki Tuhan in nomarakat kon i Yosapat sin sia in dinumudui kon aid i amánea; diá in sia nosumba kon Baal,

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

MAZMUR 101:2

Akuoi in monaridi kon kobobiag inta diá in bogit. Moibog degá in Iko mamangoi kon inakó? Akuoi in moibog mobiag motusi kon baḷoiku,

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

EPESUS 5:17

Dika mokopobodok, táe tayakdon kopira mongo onu in kinoibog i Tuhan.

KOLOSE 4:5

Mokopobijaksanadon in mobiag moyotakin intau mita inta diá mopirisaya, bo pakédon kopira pomuḷoi oyúon in kasampatan.

SAMUEL 1 13:2

nomiḻí in sia kon intau in Israel 3.000; kon sigad monia tua, 2.000 in nogutun takinnea kon Mikhmas bo kon buḷud in Betel, bo 1.000 doman ibanea in minayá noyotakin i Yonatan ki adínea ḷoḷaki kon Gibea kon butá in suku Benyamin. Rayat mita ibanea in inogoidon nobui kon baḷoinea-baḷoinea.

SAMUEL 1 14:52

Kon bonu in kinobiagannea ki Saul tantú moparang totok moḷawang kon intau in Pilistin. Tuamai, aka mokoontong in ki Saul kon intau moropot bo mobarani, yo baḷunea baḻíon tontaranea.

SAMUEL 1 18:16

Táe bayongan intau in Israel bo Yohuda motabi kon i Daud sin sia in nobaḻí itoi inta mobayong in inaidannea inta mopia.

SAMUEL 1 18:30

Pomuḷoi in aka tontara in Pilistin mamangoi monubu, i Daud in mobayo-bayong in ḻimodon nongkon porwira mita i Saul inta ibanea. Dá totokdon in ponango-nangoian in ki i Daud.

SAMUEL 1 18:4

Ki Yonatan noḷongkut kon jubahnea bo inogoinea kon i Daud, ná doman tua in ḷambung in parangnea takin kedangnea, piotnea bo bogot in ogotan.

SAMUEL 1 18:6

Kon dodai in ki Daud nobui naonda in nonaḷow mako kon i Goliat intau in Pilistin tatua, bo tontara mita nopipid in sinumuot kon bonu in kotá, bobay mita iḻumuai nongkon bayongan in kotá kon Israel sin motomu kon i Datu Saul. Mosia in nopodondong in dondong ḷunganga in gina, mosia notayok takin nopogogitog in rebana bo kecapi.

SAMUEL 1 3:19

Ki Samuel nodugangdon nointoi. Ki Tuhan umuran koyota-yotakinnea bo noponiatadon kon bayongan in onu inta siningog i Samuel.