SAMUEL 1 18:30 - Alkitab Singog In Mongondow Masa In Tanaa

³⁰ Pomuḷoi in aka tontara in Pilistin mamangoi monubu, i Daud in mobayo-bayong in ḻimodon nongkon porwira mita i Saul inta ibanea. Dá totokdon in ponango-nangoian in ki i Daud.

SAMUEL 1 18:30 ပူးပေါင်းရင်းမြစ်များ

SAMUEL 2 11:1

Datu mita biasamai in mayá moparang kon sempo in pononubú in kayu. Bo kon sempo in pononubú in kayu kon taong tatua nopotabá in ki Daud kon i Yoab minayá noparang takin porwiranea mita bo bayongan tontara in Israel; bo nonaḷow in mosia kon intau in Amon poḷat noḻibut kon kotá in Raba. Táe nogutunpa in ki Daud kon Yerusalem.

SAMUEL 2 7:9

Sinakinan-Ku in iko kon ondakabí in binayáanmu, bo bayongan in musungmu aindon sinoko yompat-Ku kon dodai in iko noparang. Iko in baḻíon-Kudon ponango-nangoian ná itoi mita inta totok in moḷoben kon dunia.

DATU MITA 2 1:13

Komintanpa doman in ki datu in nopotabá kon porwira tobatú takin intaunea ḻima nopuḷú. Porwira tatua in notakod kon buḷud bo naonda in yaputnea kon i Elia sinumungkud in sia bo noguman, “Ampungaidon in kami, uḻe bobantung i Allah! Kotabipa in akuoi bo intauku mita tanaa. Dikabí ḻimodon in kami!

MAZMUR 116:15

Ki Tuhan in totok in motabi kon kopatoian in intau inta kinotabi-Nea.

MAZMUR 119:99

Komomangaḻeku in noiḻiu kon komomangaḻe in guruku mita, popisí in akuoi umuran monano-nanobmai kon parenta-Mu mita.

AMSAL 12:8

Intau dayowon podudui in kobobijaksananea; intau in singkuḻeon podudui in dondunguḷnea.

DANIEL 1:20

Pomuḷoi in ki datu mongonguman kon soaḷ inta paraḷuon insilangan bo raion, dá indoianneamai kon tonggina bo tubag inaya opat tua in mopia-pia totok nongkon tonggina bo tubag in bayongan mononoḻindap bo mototaau mita kon bayongan in dodatuannea.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

EPESUS 5:15

Manangka intua, tarukiradon kopira mongo naonda in kobobiagmu. Dikabí ná intau mita bodok; táe kobiagbí ná intau mita mobijaksana.

PETRUS 1 2:4

Tuamai, angoidon kon i Tuhan. Sia in naonda bo batu inta nobiag, batu inta iḷumbú in intau mita sin inanggap monia diá baraguna; táe piniḻídon i Allah nobaḻí batu inta totok in moponting.

PETRUS 1 2:7

Moḷoben totok mangaḻe in batu tatua kon i monimu inta mopirisaya. Táe aka kon i monia inta diá mopirisaya, mobaḻíbí in onu inta ain pinais kon Buk Motusi nanaa, “Batu inta diá pinaké in intau mita inta mogogaid kon bangunan tua noniata magí yo nobaḻídon batu inta totok in moponting,”

SAMUEL 1 18:29

Dá nodugangdon in ondoknea kon i Daud bo kinodoíneadon in ki Daud kinoouputbí in kobiagannea.

SAMUEL 1 18:5

Mopia komintan in pinogogai i Daud kon bayongan inta pinoki aid i Saul kon inia. Tuamai in binaḻí i Saul in sia porwira kon bonu in tontaranea, bo ki Daud in kinoibog in bayongan tontara bo bobantung mita i Saul.

SAMUEL 1 19:8

Onda intua nobaḻídon bui in parang takin intau in Pilistin. Ki Daud nonubu bo poḷat nonaḷow totu-totuu kon i monia, nodapot in mosia noḷagui.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.

SAMUEL 1 26:21

Bo ki Saul in notubag, “Akuoi ain nogaid kon noitaḷá. Pobuidon Daud, Adíku! Akuoi in diá bidon bui mogaid kon inta moraat kon inimu sin inogoimudon in akuoi nobiagpa in kogobíi. Dodiaku tua in nopompuḷongdon totok. Akuoi in totu-totuudon kon ain notoboḻingo!”

SAMUEL 1 26:24

Dá, nádon onda in ki Tuang datu aindon pinomayá mako in bobantung naa nobiag in singgai naa, dá igumon mako natua doman in bobantung naa ḷukadan i Tuhan bo pilatan nongkon bayongan in bodito!”