SAMUEL 1 18:21 - Alkitab Singog In Mongondow Masa In Tanaa

²¹ Kainia, “Tungkuḷanku ḻibóon kon i Daud mongo moibog in sia kon i Mikhal, sinbá ki Daud moaḷapku bo koḻimodan in intau in Pilistin.” Dá kon induaneadon in ki Saul noguman kon i Daud, “Tanaa iko in motaaudon mobaḻí mototakaku.”

SAMUEL 1 18:21 ပူးပေါင်းရင်းမြစ်များ

MAZMUR 38:12

Yobayatku mita yumayú popisí in panyakiku, nodapot in ginaḷum bo utatku yumayú kon inakó.

IḶUAIAN 10:7

Nopaḷut mako kon tua nogumandon in pogawai mita tatua kon i datu, “Dapotbí in toonu intau tatua musti mopororiga kon inaton? Pomayádon mako in intau mita Israel tatua mayá sin moibada kon i Tuhan, Allah monia. Indoiaika in butá naton tanaa aindon nogoguyaat!”

AMSAL 29:5

Ki ine in moduí kon tumpaḷa intau, in motaanbí kon potait kon inia.

YEREMIA 5:26

Ei umat-Ku, kon sigad monimu oyúon in intau mita moraat. Naonda bo intau mogangat kon poyogaḷap inta sinaannea podomok kon ḷagapan, natuata in mosia notaan kon poyogaḷap sin podomok kon intau.

YEREMIA 9:8

Singog mita totok in mokoanib, mokopatoi naonda bo piot mobisa. Tosingogon mita monia uboḷ komintan. Singog mita monia mopia in kodongogan, táe sabanarnea mosia in motaanbí kon poyogaḷap.

SAMUEL 1 18:17

Ki Saul nonomayá kon bá ki Daud ḻimodon in intau in Pilistin kon bonu in parang sinbá deemandon sia tontaní in moḻimod kon inia. Dá kon singgai tobatú noguman in ki Saul kon i Daud, “Ki Merab ki adíku bobay guya-guyang, potonibuḷoiku takinmu, asaḷ bo poontongmupa in koḷoḷakimu kon bonu in parang sin kopontingan i Tuhan.”

SAMUEL 1 18:22

Bo nopotabá in sia kon pogawainea mopotaau intua kon i Daud takin umuni-uni, nanaa, “Ki Tuang Datu motabi kon inimu bo natua doman in bayongan in pogawainea; dá naadon in wakutunea inta mopia kon inimu mononibuḷoi kon i adínea.”

SAMUEL 1 18:26

Pogawai mita i Saul nopotaau in koyow tatua kon i Daud, bo sinarima i Daud in tosingogon i datu. Tuamai, kon dodai in wakutunea inta sinantú modait, minayá in sia noyotakin intaunea mita kon butá in Pilistin. Iḻimodnea in 200 in intau in Pilistin, bo ginamánea in kuḻit inta pinonoitan kon i monia, bo inogoinea kon i Saul takin diábí nogaat tobatúmai. Onda intua ki Saul nopotonibuḷoidon kon i Mikhal takin i Daud.