SAMUEL 1 18:12 - Alkitab Singog In Mongondow Masa In Tanaa

¹² Kinomangaḻeandon i Saul kon iḷukadandon i Tuhan in ki Daud táe sia in sinaḷáandon i Tuhan. Tuamai inagíandon in ondok in sia kon i Daud.

SAMUEL 1 18:12 ပူးပေါင်းရင်းမြစ်များ

SAMUEL 2 5:10

Koonggot-koonggot koropot-koropotdon in ki Daud, sin ki Tuhan, Allah Inta Totok in Mokawasa notuḷung kon inia.

TAWARIKH 2 17:3

Ki Tuhan in nomarakat kon i Yosapat sin sia in dinumudui kon aid i amánea; diá in sia nosumba kon Baal,

MAZMUR 51:11

Dikapa bobuion in dosaku mita, bo popataidon in bayongan in taḷáku.

MAZMUR 53:5

Guman i Tuhan, “Diá degá moratak in intau mita moraat tatua? Mosia in nobiag in onu inta inagow kon umat-Ku, bo diá kon dodai in onda in nosambayang kon i-Nakó.”

HOSEA 9:12

Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MARKUS 6:20

Sin kinotaauan i Herodes kon ki Yohanes tua in totabá mopia i Allah dá mobangkaḷ in sia. Manangka intua pinoki ḷukadnea totok in ki Yohanes kon bonu in ponjara. Bo aka mosingog in ki Yohanes yo moibogbí in ki Herodes mokidongog kon singognea, umpakabí moḻia-ḻiaw totok in ginanea in mokodongog.

LUKAS 8:37

Sahingga intau mita inta kon ḻipú in Gerasa tua nopoigum kon i Yesus, sinbá taḷaan-Nea in mosia sin moondokdon totok in mosia. Dá ki Yesus sinumakoidon bui kon uangga bo nonaḷámai kon i monia.

OUMAN IN RASUL MITA 24:25

Táe naonda in ki Paulus nongonguman kon soaḷ mobiag moitutui, soaḷ monahang kon napusu bo soaḷ hukuman kon singgai tumi, inagían ondok in ki Peliks dá nogumandon nanaa in sia, “Iko in motaaudon mayá in tanaa. Bain aka oyúon in kasampatan mopia, buikubí pokioiní in iko.”

OUMAN IN RASUL MITA 7:9

Táe popisí in mointoi kon i Yusup dá mogoguyang naton ibanea tua in nopotaḷui kon i Yusup kon intau in Mesir, táe umuran sinakinan i Allah in sia,

HAKIM MITA 16:20

Bo sia in nomaḷú, “Simson! Intau in Pilistin niondon!” Ki Simson in nobangon bo kainia kamai sia in moiḷuatpa ná biasamai. Diábí kinotaauannea kon ki Tuhan in nonaḷámaidon kon inia.

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 16:4

Ki Samuel nomia kon ná inta pinoguman i Tuhan. Naonda in sia nodapot kon Betlehem, itoi mita in kotá kon tua nonontomu kon inia takin noitaḻikokog bo noḻibó, “Degá kinoangoian i Amá naa in mokopoangoi kon saḷamat?”

SAMUEL 1 18:15

Naonda in inontong i Saul kon ki Daud umuran mokoḷapat kon oaidannea, nodugangdon in ondoknea kon i Daud.

SAMUEL 1 18:20

Ki Mikhal adí bobay i Saul inta ibanea noibogdon kon i Daud. Naonda in ki Saul nokodongog kon tua, noibog doman in sia.

SAMUEL 1 18:29

Dá nodugangdon in ondoknea kon i Daud bo kinodoíneadon in ki Daud kinoouputbí in kobiagannea.

SAMUEL 1 20:13

Aka sia moniat mopogutú kon inimu, yo notantúbí doman kon potaaukubí doman kon inimu sinbá mokoḷagui in iko. Igumon mako ki Tuhan moḻimod kon inakó aka tua bo diá pomiaanku. Poigumon mako ki Tuhan motuḷung kon inimu ná doman pinototuḷung-Nea kon i amáku koḻipod!

SAMUEL 1 22:13

Ki Saul in noḻibó kon inia, “Nongonu sin iko in noyopakatbí i Daud moḷawang kon inakó? Nongonu sin sinongkaaḷanmubí in sia in roti bo inogoianmu in kedang bo pinoigumanmu doman in totundú nongkon i Allah in sia? Dá tanaa in sia noḷawangdon kon inakó bo mogoḷatdon mako kon kasampatannea sin moḻimod kon inakó.”

SAMUEL 1 28:15

Onda intua noguman in ki Samuel kon i Saul, “Nongonu sin tuyayowonmubí in akuoi? Nongonu sin oiníonmubí bui in akuoi?” Tubag i Saul, “Mogagawangdon totokdon in akuoi sin tubuon in intau in Pilistin, bo ki Allah in nonaḷámaidon kon inakó. Diádon in akuoi sinubagan-Nea, pinomayá pinongin nabi mita, andeka pinongin togoindop. Tuamai in poigumonku kon i Amá, sinbá potaauondon i Amá onu in musti aidanku.”

SAMUEL 1 3:19

Ki Samuel nodugangdon nointoi. Ki Tuhan umuran koyota-yotakinnea bo noponiatadon kon bayongan in onu inta siningog i Samuel.