SAMUEL 1 18:1 - Alkitab Singog In Mongondow Masa In Tanaa

^1-2 Naonda in ki Saul bo ki Daud nopaḷut nongonguman, ki Daud binaḻí i Saul pogawainea bo pinangkoidon kon singgai tatua sia in diádon inogoi nobui kon baḷoi in guyanganea. Ki Yonatan adí ḷoḷaki i Saul, ain nokodongog kon pinongonguman monia tua. Nopia doman in ginanea kon i Daud, bo kinotabinea in ki Daud ná kinototabinea kon awaknea tontaní.

SAMUEL 1 18:1 ပူးပေါင်းရင်းမြစ်များ

KINOBAḺIAN 44:30

“Tuamai, Tuangku,” Guman i Yohuda kon i Yusup, “aka bobantungmu naa mayádon bui kon i amá nami bo diá kotaki-takin i ai-ai nami tatua, yo notantú bidon kon ki amá nami tua in matoibí. Nyawanea in noitogot bidon kon adí tatua, bo sia totokdon in nogoguyang sahingga ajar in gina inta diaan nami kon inia tua mokopopisídon kon kopatoiannea.

SAMUEL 2 1:26

Yonatan, uḻe utatku, monakit totok in ginaku, sin moḷoben totok in mangaḻemu kon inakó. Tabimu kon inakó in totuu motuḻid, nodapot in noiḻiubí kon tabi in bobay.

TAWARIKH 1 12:17

Ki Daud in nokipodungkuḷ kon i monia bo noguman, “Aka moiko bo namangoi saḷaku yobayat sin motuḷung kon inakó, yo koḻigai dumugangdon kon i nami. Tarimaanbí nami takin pia in gina. Táe aka makusud i monimu moposarakan kon inakó kon musung pongin akaḷ monimu, umpaka akuoi naa in diá nogaid kon inta moraat kon i monimu, yo ki Allah inta sinumba in mogoguyang naton in monotaaubí kon tua bo hukumon-Neabí in moiko.”

MAZMUR 86:11

Tundúpa in koibog-Mu kon inakó, o Tuhan, sinbá akuoi in dumudui tumoḷutui; baḻídon in akuoi motoguondok totu-totuu kon ini-Mu.

AMSAL 18:24

Oyúon in yobayat inta diá mosatia, oyúon doman in modagi-dagin nongkon utat.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

KOLOSE 2:2

Naa komintan inaidanku sinbá moropotdon in gina monia bo mositabian poḷat mobiag motobatú, sahingga in mosia totu-totuudon momangarti bo moyakin poḷat monotaau kon onu inta binuni i Allah, tuata in ki Kristus tontaní.

HAKIM MITA 20:11

Tuata in nobaḻí, umat in Israel notobatú sin monubu kon Gibea.

SAMUEL 1 14:45

Táe rayat in noguman kon i Saul, “Musti hukumon matoi degá in ki Yonatan? Bokaka siabí in inta nodia kon kauntungan moḷoben tanaa? Diá! Kami in modandi podoyon kon i Tuhan inta nobiag, kon ki Yonatan in diábí motaau koinggamáan in tongáka buok tougat kon uḷunea. Sin tongábí popisí in totuḷung i Tuhan, sia in nokouḻí kon kauntungan kon singgai in naa.” Natuata in nobaḻí, ki Yonatan pinosaḷamat in rayat nongkon hukuman matoi.

SAMUEL 1 18:3

Tuamai in nongibot in ki Yonatan kon umuranbí moyobayat i Daud kinoouput in kinobiagannea.

SAMUEL 1 19:1

Ki Saul noguman kon i Yonatan adínea ḷoḷaki, bo kon bayongan pogawainea kon moibog in sia moḻimod kon i Daud. Táe ki Yonatan in motabi totok kon i Daud,

SAMUEL 1 19:2

tuamai in noguman in sia kon i Daud, “Ki amáku moḷongasi moḻimod kon inimu; dá pokoingatdon! Pogadopdon in ikoḷom doḷo-doḷom kon tampat inta noiadop, bo pogutunpa kon tua.

SAMUEL 1 20:17

Dá kon induaneadon in ki Yonatan nopoigum kon i Daud modandi kon monotabibí kon inia, sin sia in motabi kon i Daud ná kotabinea kon awaknea tontaní.

SAMUEL 1 20:8

Akuoi in mokituḷung kon inimu, sin kitada in nomiadon kon dodandian kon tayowon i Tuhan. Tongá aka akuoi in kotaḷá, yo ḻimodon in akuoi, táe dikabí in akuoi ogoimu kon i amámu.”

SAMUEL 1 22:8

Tua degá in nokopopisí kon i monimu in noyopakatdon kon moḷawang kon inakó bo diá tobatúmai in nopotaau kon inakó kon ki adíku in nomihakdon kon i Daud tua? Diábí in tobatúmai in kon sigad monimu in morai kon kobiaganku andeka mopotaau kon inakó kon ki Daud, intauku tua, in kon tanaa mako in mogoḷatdon mako kon kasampatan moḻimod kon inakó, bo ná doman tua in ki Yonatan ki adíku in ain noginrigon kon raiannea!”

SAMUEL 1 23:18

Onda intua ki Daud bo ki Yonatan in nomia kon dodandian yoyobayatan kon tayowon i Tuhan. Nopaḷut mako kon tua ki Yonatan in nobui kon baḷoinea, bo ki Daud in umuranpabí nogutun kon Hores.