SAMUEL 1 17:40 - Alkitab Singog In Mongondow Masa In Tanaa

⁴⁰ Onda intua nogamá in sia kon tungkud inta pakéonneamai moḷukad kon dombanea, bo nomiḻí kon ḻima nougat in batu inta noḻimbung kon ongkag, bo binonunea kon popojinea. Takin kokada-kadai in katipol, minayá in sia nokipodungkuḷ kon i Goliat.

SAMUEL 1 17:40 ပူးပေါင်းရင်းမြစ်များ

MATIUS 10:10

Donaai in moiko mobaḷun kon binayáan, donaaidon modia kon ḷambung doyowa no par, aip in sioḷ andeka tungkud, sin intau inta mogaid patusbí motarima kon boḻi in pinogaidannea.

HAKIM MITA 3:31

Itoi noiduduimai kon tua in ki Samgar ki adí i Anat. Sia in totok doman in irumopot nopoḷuat kon intau in Israel. Takin nomaké in tungkud pobobuntun kon sapi, sia noḻimod kon 600 in intau in Pilistin.

SAMUEL 1 17:39

Bo pinogigabit domandon i Daud in kedang i Saul kon ḷambung uatoi tatua bo nonungkuḷ minayá, táe diá mokobayá, sin ki Daud diá nobiasa momaké in pakeang parang. “Bobantungmu naa in diábí mokobayá aka momaké in pakeang tanaa,” gumannea kon i Saul. “Dá dikadon momaké in ḷambung in parang tanaa.” Dá iḷongkutneadon in pakeang mita tatua.

SAMUEL 1 17:41

Diá noonggot kon tua ki Goliat inta inunaan in intau inta mododia kon kaḻeawnea, momangkoidon mopoangoi kon i Daud.