SAMUEL 1 17:4 - Alkitab Singog In Mongondow Masa In Tanaa

⁴ Dá intau tobatú inta motoyang moropatoi inta ki Goliat in tangoinea, nongkon kotá in Gat iḻumuai nongkon pinononḷoḷaigan in Pilistin sin monontot kon intau in Israel. Koḷantudnea tua in degá toḷumai nometer,

SAMUEL 1 17:4 ပူးပေါင်းရင်းမြစ်များ

TAWARIKH 1 11:23

Nokoimontan domandon in sia noḻimod kon intau in Mesir inta moḷoben in awaknea, koḷantudnea in noiḻiu kon doyowa nometer. Intau tatua in nomaké in pandong inta moḷoben totok, táe tongá sinayowan i Benaya in bobobak. Pandong inta kokada-kadai in intau in Mesir tatua inagownea bo pinoḻimodnea kon intau tatua.

AMOS 2:9

Umpaka natua, ei umat-Ku, kon i monimubí Akuoi in noyompat kon intau in Amori inta moḷantud ná pangkoi in ḷokuyú bo moropot naonda bo pangkoi in terpentin.

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

YOSUA 11:22

Diá in tobatúmai in nongkon bangusa in Enak tatua in sinonggagatan kon butá in Israel, tongádon kon Gaza, Gad, bo kon Asdod in oyúonpa.

SAMUEL 1 17:23

Táe naonda in sia mongongumanmai monia, ki Goliat inumuna bo nonontot kon intau in Israel, ná biasamai pomiaannea. Inindongogan i Daud in tosingogonnea tatua.

SAMUEL 1 17:3

Pipidan in intau in Pilistin sinimindog kon buḷud tobatú bo pipidan in intau in Israel sinimindog doman kon buḷud ibanea, bo kon sigad monia tua oyúon in ḷopá tobatú.

SAMUEL 1 17:5

bo nogi sapoyo in bitú in sia bo ḷambung parangnea bitú inta degá kobogatnea in ḻima nopuḷú bo pitu nokilo.

SAMUEL 1 27:4

Naonda in kinodongogan i Saul kon ki Daud ain noḷagui minayá in Gat, diádon in sia moḷongasi modomok kon inia.