SAMUEL 1 17:37 - Alkitab Singog In Mongondow Masa In Tanaa

³⁷ Ki Tuhan ain noposaḷamat kon bobantung naa nongkon singa bo beruang, yo Siabí doman in moposaḷamat kon bobantung naa nongkon intau in Pilistin tatua.” Bo noguman in ki Saul kon inia, “Mopia, poigumon mako ki Tuhan motuḷung kon inimu.”

SAMUEL 1 17:37 ပူးပေါင်းရင်းမြစ်များ

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

TAWARIKH 1 22:11

Bo ki Daud in noguman bui, “Tanaa, adíku, igumon mako ki Tuhan Allahmu tantú motuḷung kon inimu. Bo igumon mako mokotongod in iko moposindog in baḷoi kon i Tuhan ná inta ain pinodandi-Nea.

TAWARIKH 1 22:16

buḷawan, saḷaka, bitú, bo uatoi. Yo, ḷagidon pangkoiai! Igumon mako ki Tuhan motuḷung kon inimu”.

MAZMUR 11:1

Kon i itoi in mododondong. Mazmur i Daud. Akuoi in noniung kon i Tuhan; diábí in mangaḻenea in moguman kon inakó, “Posaḷamatdon in awakmu naonda bo ḷagapan inta iḷumayug kon buḷud.

MAZMUR 118:6

Akuoi in diábí moondok sin ki Tuhan in kotaki-takinku, intau in diábí mokopongonu kon inakó.

MAZMUR 138:3

Kon tungkuḷ in akuoi nokuani kon ini-Mu, Iko in notubag, inirigonan-Mu in ginaku dá nobaranidon in akuoi.

MAZMUR 63:7

Kon dodai in akuoi inumuḻid mako kon ḷantaan, kinotoropanku in Iko; kinoouput in doḷom akuoi monano-nanob kon ini-Mu,

MAZMUR 77:11

Bo akuoi in noguman, “Naabí in mokonakit kon ginaku, kon ki Inta Totok in moḷantud diádon nongawasa bui.”

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

YOSUA 1:17

Kami in mokopotoinduduibí kon inimu, ná doman kami umuran nokopotoindudui kon i Musa. Poigumon mako ki Tuhan Allahmu umuran kotaki-takinmu ná doman pinononakin-Nea kon i Musa!

RUT 2:4

Diá noonggot kon tua ki Boas namangoi nongkon Betlehem bo nopoyaput in tosingogon tanaa kon intau mita inta mororatab tatua, “Poigumon mako ki Tuhan kotaki-takin monimu,” Intau mita mororatab tatua in notubag, “Poigumon mako ki Tuhan momarakat kon i Amá.”

SAMUEL 1 17:36

Bobantungmu naa in ain noḻimod kon singa andeka beruang, bo intau in Pilistin kaper tatua in potongkaionku domandon ná mahaḷuk mita tatua, sin sia in mokobaḻídon mopoonagmai kon tontara mita inta nongkon i Allah inta nobiag.

SAMUEL 1 17:38

Ki Saul nobogoi in pakeang parangnea, inta pakeang uatoi tobatú kon i Daud bo iḷutud domandon i Daud. Bo pinopopakéan doman i Saul kon i Daud in sapoyo bitú.

SAMUEL 1 20:13

Aka sia moniat mopogutú kon inimu, yo notantúbí doman kon potaaukubí doman kon inimu sinbá mokoḷagui in iko. Igumon mako ki Tuhan moḻimod kon inakó aka tua bo diá pomiaanku. Poigumon mako ki Tuhan motuḷung kon inimu ná doman pinototuḷung-Nea kon i amáku koḻipod!

SAMUEL 1 24:19

Aidku kon inimu inta moraat ain sinuḻíanmu in aid mopia. Kon singgai naa in pinoniatamudon kon mopiabí in makusudmu kon inakó, sin diábí iḻimodmu in akuoi, umpaka pinosarakandon i Tuhan in akuoi kon inimu.

SAMUEL 1 26:25

Bo ki Saul in nogumandon kon i Daud, “Ki Tuhan in momarakat kon inimu, adíku! Kodapotanmubí in bayongan oaidanmu!” Bo ki Daud in nongingguputdon kon bobayáannea, bo ki Saul in nobuidon kon baḷoinea.

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.