SAMUEL 1 17:34 - Alkitab Singog In Mongondow Masa In Tanaa

³⁴ Táe ki Daud in noguman, “Tuang Datu, bobantungmu naa in nobiasabí moḷukad kon domba i amáku. Aka oyúon in singa andeka beruang inta mamangoi modomok kon domba,

SAMUEL 1 17:34 ပူးပေါင်းရင်းမြစ်များ

KINOBAḺIAN 31:39

Inta minatoi dinomok in mahaḷuk ibanea diábí dodai onda diniaku mangoi kon inimu, táe akuoibí tontaní in monoḻiu kon tua. Inta sinakow kon wakutu in singgai ande doḷom umuran doman tuntutonmu sinbá toḻiuanku.

SAMUEL 2 17:8

Kinotaauan bidon i Tuang kon ki Daud bo intaunea mita tatua in intaubí mita inta mongotorindog bo mongobarani. Mosia tua in naonda bo kobarani in beruang kobaayan inta kinobuḻian i adínea. Apa doman ki Daud tua in tontara inta kopongalaman inta diábí dodai in onda in mosiug moyotakin in intaunea mita.

SAMUEL 2 23:20

Porwira tobatú inta ponango-nangoian ibanea in ki Benaya adí i Yoyada intau in Kabzeel. Totok in sia mobarani. Intau doyowa inta totok in mobarani nongkon Moab iḻimodnea. Nokoimontandon in kon dodai in singgai oyúon in oḷú inta mokompo-kompoḷ, sinumuot in sia kon bubú tobatú, bo noḻimod kon singa tobatú kon tua.

TAWARIKH 1 11:22

Porwira tobatú ponango-nangoian ibanea in ki Benaya adí i Yoyada, intau in Kabzeel. Mobarani totok in sia. Pahlawan moḷoben doyowa nongkon Moab iḻimodneadon. Nokoimontandon kon singgai tobatú inta oyúon in salju sinumuot in sia kon angob tobatú bo noḻimod kon singa tobatú kon tua.

MAZMUR 143:5

Kinotoropanku in singgai mita inta ain kinotaḻiban; iraiku in bayongan in aid-Mu, sinano-tanobku in bayongan mia-Mu.

YEHEZKIEL 34:12

naonda bo gombala motayak bo mosipun kon dombanea mita inta noirarit bo bui tompiaan. Mosia in diaan-Ku bui nongkon tampat mita inta kinoraritan monia kon singgai inta nosindip bo inta diá mopia tua.

AMOS 3:12

Naonda bo gombala tobatú inta tongádon nokouḻí bui kon doyowa nosimpaḷ in sioḷ andeka bongoḷan tobatú in dombanea inta ain dinomok in singa, natua doman tongábí topiḻik in kotaḷáan in intau in Samaria inta tanaa pia-pia mako in mosiug kon tosiugannea inta mopia.”

ZAKHARIA 11:16

Sin Akuoi in mopotabábí in gombala tobatú sin moḷukad kon paanan in domba-Ku, táe diábí pandungonneamai in domba inta nobuḻi; diábí tayakonnea in domba inta noiḷangkam, diábí doman mongundam kon domba inta kinekeban, bo diá mopokaan in domba inta nobiagpa. Nodapotbí in siadon tontaní in nokaan kon tapú in domba inta totok in noḷomumu bo norabut kon konuku mita in mahaḷuk tatua.

ZAKHARIA 9:7

Mosia in diá bidon mokaan bui kon ponoyá inta oyúonpa in dugú andeka kaanon ibanea inta pinoton. Bayongan intau inta kiagatneapa in mobaḻí umat-Ku bo inanggap kiagat in suku in Yohuda. Ekron in mobaḻídon umat-Ku, naonda bo intau in Yebus kon dungkuḷmai.

LUKAS 2:8

Doḷom tua in kon ḻipú tatua, oyúon in gombala mita inta yogot in moḷukad kon domba mita monia.

YOHANES 10:11

Akuoibí naa in Gombala inta mopia. Gombala mopia in mobogoibí in nyawanea sin kopontingan in dombanea mita.

SURAT I PAULUS KON JAMAAT RUM 5:4

Ibog mogaid totu-totuu tua in mokopobaḻí kon intau monahang kon totungkuḷ; bo soaḷ tanaa inta mokopomuká kon harapan.

IBRANI 11:33

Popisí in mosia mopirisaya, dá sinaḷowdon monia in dodatuan mita ibanea. Inaidan monia in onu inta totuu, tuamai in nouḻí monia onu inta pinodandi i Allah. Bibig mita in singa pinomponan monia,

WAHYU 13:2

Mahaḷuk inta inontongku tua, batangannea in naonda bo macan tutul, sioḷnea naonda bo sioḷ in boruang, bibignea naonda bo bibig in singa. Mahaḷuk tatua inogoian i naga in ropot, inogoian in tampat pomomarentaannea bo kawasa inta moḷoben.

HAKIM MITA 14:6

bo daḻídon in ki Simson nobaḻí noropot sin kawasa i Tuhan. Bo iyabi-yabineamai in singa tatua takin nomaké in ḻimanea, tongábí naonda bo bembé in mahaḷuk tatua. Onu inta nobaḻí tatua diábí inoumannea kon guranganea.

SAMUEL 1 17:15

Ki Daud in mokakit in monaḷámai kon i Saul bo mobui mayá in Betlehem sin moḷukad kon domba i amánea.

SAMUEL 1 17:33

“Dika,” tubag i Saul. “Diábí kumaan kon akaḷ aka iko in monayow kon intau in Pilistin tatua, sin iko nion in nobagupa totok, bo sia tua in nongkon nobagupamai koyongandon mobiasa moparang.”

SAMUEL 1 17:35

yo mahaḷuk moraat tatua in aḷowan in bobantungmu naa bo ḷuntaan, bo domba tatua in posaḷamatonku. Bo aka singa andeka beruang tatua monayow kon inakó, dá taganganku, bo ḷuntaan dapot in matoi.