SAMUEL 1 17:32 - Alkitab Singog In Mongondow Masa In Tanaa

³² Guman i Daud kon i Saul, “Tuang Datu, diábí motaau in kita in moondok kon intau in Pilistin tatua! Ki atamu naa in mokobaḻíbí in mayá monayow kon inia.”

SAMUEL 1 17:32 ပူးပေါင်းရင်းမြစ်များ

MAZMUR 3:6

Akuoi in inumuḻid bo nosiug takin pia-pia, bo nobangon bui, sin ki Tuhan in notuḷung kon inakó.

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

YESAYA 7:4

Pogumandon kon i datu kon sia in musti tantú mosadia bo umuran mokopoonow. Dikabí in sia moondok andeka motoboḻingo. Torú i Datu Pekah bo i Datu Rezin takin tontaranea intau mita in Siria tatua in diábí noiḻiu kon doyowa in oḷuton inta nonompoyok.

PINOGIAPAN 13:30

Táe pinoonow i Kaleb in gina in intau mita inta kon tayowon i Musa. Guman i Kaleb, “Butá tatua musti tubuon naton bo agowon naton tanaa domandon mako, sin tugat bidon in intau naton monaḷow kon i monia.”

PINOGIAPAN 14:9

Dikabí moḷawang kon i Tuhan, bo dika moondok kon intau inta nogutun kon butá tatua, sin diábí moyoyiga naton in monaḷow kon i monia. Inta noḷukad kon i monia tua aindon nonaḷámai kon i monia, bo ki Tuhan in kotaki-takin naton. Dá, dikabí moondok.”

IBRANI 12:12

Tuamai, koropot in ḻimamu inta noḻemé bo duḷudmu inta mouyot tua!

YOSUA 14:12

Tuamai, tanaa ogoidon in butá kon buḷud inta pinodandi i Tuhan kon inakó kon tungkuḷ in akuoi bo intau mita inta noyotakinku nobui mangoi kodia-dia in habar. Kon tungkuḷ intua iko tontaní in nokodongog, kon tua oyúon in bangusa in mongoḷoben bo moitoi inta sinangoi monia bangusa in Enak. Mosia nogutun kon bonu in kotá mita moḷoben inta dininding. Degá tuḷunganpabí i Tuhan in akuoi, dá akuoi in mokountundon kon i monia, ná inta pinoguman i Tuhan.”

SAMUEL 1 14:6

Dá nogumandon in ki Yonatan kon tayowmobiag tatua, “Igai mayá in kita kon poḷoḷukadan in intau in Pilistin inta kaper tatua. Dika-dika ki Tuhan moibogpabí motuḷung kon inaton. Sin ki Tuhan in motaaubí mobogoi in kauntungan pinomayá momaké in intau mobayong andeka intau moyakag.”

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 17:31

Táe tongonumai in intau inta nokodongog kon tosingogon i Daud, nopotaau intua kon i Saul, dá inoiníneadon in ki Daud namangoi in tayowonnea.