SAMUEL 1 17:22 - Alkitab Singog In Mongondow Masa In Tanaa

²² Bo pinoki tagúpa i Daud in onu inta dinianea tatua kon intau inta moḷoḷukad kon touḷut in tontara, bo minayá in tampat popoparangan sin mayá mokipodungkuḷ kon i guya-guyangnea mita.

SAMUEL 1 17:22 ပူးပေါင်းရင်းမြစ်များ

KINOBAḺIAN 37:14

Guman i amánea, “Indoiaipa in kaadaan i guya-guyangmu bo paanan in bembé domba, bo bui angoi potaau kon inakó.” Dá pinotabáneadon in ki Yusup minayá nonaḷámai kon Ḷopá in Hebron. Diá noonggot kon tua nodapotdon in ki Yusup kon Sikhem.

SAMUEL 2 11:7

Naonda in ki Uria namangoi kon tayowon i Datu Daud, ki datu in noḻibó mongo naonda in kaadaan i Yoab takin tontara mita in Israel, bo naonda in bobayá in parang tatua.

IḶUAIAN 18:7

dá iḷumuaidon in sia nonontomu kon i monia. Sia in sinumungkud kon tayowon i Yitro bo poḷat nongayok kon inia. Nosiḻibóandon in mosia mongo nosehat, bo sinumuot domandon in mosia kon ḷoḷaigan i Musa.

YESAYA 10:28

Tontara in Asyur ain nogagow kon kotá in Ayat. Mosia in noitaḻibdon kon Migron! Tongkaaḷ monia in sinaḷáan kon Mikhmas!

HAKIM MITA 18:15

Bo mosia minayá in baḷoi i Mikha, baḷoi inta pinogutunan in tayowmobiag in Lewi tatua, bo noḻibó kon kaadaannea.

HAKIM MITA 18:21

Onda intua paanan in intau mita tatua nongingguputdon kon bobayáan monia, mongoadí mita, bobiagon bo barang mita monia in kon muna.

SAMUEL 1 17:21

Tontara in Pilistin bo tontara in Israel noyogintayowdon bo tumpaḷadon nosadia moparang.

SAMUEL 1 25:5

nopotabá in sia in tayowmobiag mopuḷú minayá in Karmel,

SAMUEL 1 30:21

Nopaḷut mako kon tua buidon in ki Daud minayá kon intaunea inta doyowa nogatut inta diádon notaau sinumakin sin noḷopídon totok, bo inta sinaḷáanneadon kon bingkí in Ongkag in Besor. Nonontomu in mosia kon i Daud bo intaunea, bo dinimiug in ki Daud poḷat nodati kon i monia.