SAMUEL 1 17:13 - Alkitab Singog In Mongondow Masa In Tanaa

¹³ Ki adí i Isai ḷoḷaki toḷu inta guya-guyang dinumuduidon kon i Saul mayá moparang. Inta guya-guyang totok tangoinea in ki Eliab, inta nogindua in ki Abinadab, bo inta nogintoḷu in ki Syama.

SAMUEL 1 17:13 ပူးပေါင်းရင်းမြစ်များ

SAMUEL 2 13:3

Oyúon in yobayat i Amnon inta mopandoi bo mobarong in akaḷ, tangoinea ki Yonadab ki adí i Simea ki guya-guyang i Daud.

SAMUEL 2 13:32

Táe ki Yonadab adí i Simea inta ki guya-guyang i Daud in noguman, “Tuang Datu, dika mokuyang in gina bo dikapa morai kon bayongan in adí ḷoḷaki i Tuang Datu in minatoidon komintan. Tongábí ki Amnon in minatoi, sin nosimantagdon totok kon tuabí in kinoibog i Absalom pinangkoimai kon ki Tamar ki ai-ainea dinomok i Amnon.

SAMUEL 2 21:21

Sia in noningkuḻe kon intau in Israel, bo tuamai in iḻimod in sia i Yonatan adí i Simea, ki guya-guyang i Daud.

TAWARIKH 1 2:13

Ki adí ḷoḷaki i Isai in taya pitu. Naa in tangoi monia podudui in umur monia: ki Eliab, ki Abinadab, ki Simea,

SAMUEL 1 17:28

Ki Eliab ki utat i Daud inta guya-guyang totok nokodongog kon i Daud nongonguman takin in tontara mita. Sinumorú in sia kon i Daud poḷat noguman, “Nongonu sin iko in namangoibí in naa? Ki ine in pinoki ḷukadanmu in dombamu mita inta doyowa toḷu tua kon padang gurun? Kinotaauankubí, kon iko nion in tumekeng mobarani; iko nion in mamangoi tongábí moindoi kon poparangan?”