SAMUEL 1 17:12 - Alkitab Singog In Mongondow Masa In Tanaa

¹² Ki Daud tua in ki adí i Isai intau in Eprata, nongkon Betlehem kon Yohuda. Ki Isai naa in kogadí kon ḷoḷaki taya waḷu, kon tungkuḷ in ki Saul nomarenta, ki Isai in nogoguyangdon totok.

SAMUEL 1 17:12 ပူးပေါင်းရင်းမြစ်များ

KINOBAḺIAN 35:19

Naonda in ki Rahel minatoi, sia iḷobong kon bingkí in daḷan inta mopobayá in Eprata, inta masai naa sinangoian Betlehem.

SAMUEL 2 23:1

Ki Daud adí i Isai in piniḻí nobaḻí datu bo binaḻí intau moḷoben i Allah Yakub. Sia doman in nongarang kon dondong mita kon Israel. Naa in tosingogon i Daud imbuitnea:

MAZMUR 132:6

Kon Betlehem dinongog naton soaḷ Poti Dodandian, bo nouḻí kon rawang in Yaar.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

MATIUS 2:1

Naonda in ki Yesus pinononggadídon kon Betlehem, kon tungkuḷ intua butá in Yudea pinareta i Datu Herodes, bo dodai intua namangoidon kon Yerusalem in intau mita in Mayusi nongkon Pomukaan.

MATIUS 2:6

Bo iko Betlehem, butá i Yohuda, iko in deemanbí totok in mointok kon sigad monia inta nomarenta kon Yohuda. Sin nongkon inimubí naa moisindog in tobatú intau inta mobaḻí itoi, Sia inta moḷukad kon bayongan umat-Ku kon Israel.”

RUT 4:17

Bobay mita inta kon topodiugmai monia nonontangoi kon adí tatua ki Obed. Kon bayongan in intau mosia noguman, “Ki Naomi aindon kogadí kon adí ḷoḷaki tobatú!” Ki Obed naa inta kon singgai noiduduimai nobaḻí ki amá i Isai, bo ki Isai naa inta ki amá i Daud.

SAMUEL 1 1:1

Oyúon ḷoḷaki tobatú, tangoinea in ki Elkana, nongkon suku Epraim. Sia in nogutun kon kotá in Rama, kon butá inta kon buḷud in Epraim. Ki Elkana naa in ki adí i Yeroham bo ki ompu i Elihu. Sia in noituot kon motoḷuadí i Tohu, uputpa in inanakan i Zup.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 17:11

Naonda in ki Saul bo intaunea mita nokodongog kon tontot tatua, noitaḻikokogdon in mosia bo inagían totok in ondok.

SAMUEL 1 17:58

Bo ki Saul in noḻibó kon inia, “Uḻe intau inta mobagupa! Ki adí i ine in iko nion?” Ki Daud in notubag, “Bobantung naa in ki adí i Isai nongkon Betlehem.”