SAMUEL 1 16:7 - Alkitab Singog In Mongondow Masa In Tanaa

⁷ Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”

SAMUEL 1 16:7 ပူးပေါင်းရင်းမြစ်များ

KINOBAḺIAN 4:5

táe ki Kain takin sosumbanea diá sinarima-Nea. Ki Kain sinumorú totok bo totokdon in rumongut.

SAMUEL 2 14:25

Ki Absalom pinuji saḷaku intau inta totok in mogaga kon bayongan in Israel. Diábí in poḻiu kon kogaganea. Pinangkoi kon paḷad in sioḷnea nodapot kon ubung in buok diábí in bogitnea.

SAMUEL 2 7:20

Onupabí in motaau singogonku kon ini-Mu? Iko in nonotaau kon bayongan yagi-yagi kon mogogundoi-Mu naa.

DATU MITA IMITÁNEA 8:39

yo igumon mako in Iko nongkon tampat-Mu kon soroga moibogpa mokidongog bo mongampung poḷat motuḷung kon i monia. Tongábí Iko in nonotaau kon bonu in gina in intau. Tuamai in popoaidon kon intau podudui doman kon oaid monia tontaní,

TAWARIKH 1 17:18

Onupa in motaauku singogon kon ini-Mu, o Tuhan Allah? Iko in nonotaaudon in bayongan yagi-yagi kon mogogundoi-Mu naa, táe inogoian-Mu in kahoromatan in akuoi.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

TAWARIKH 2 6:30

yo igumon mako Iko nongkon tampat pinogutunan-Mu kon soroga moibogpa kaasí mokidongog bo mongampung kon i monia. Tongábí Iko in monotaau kon bonu in gina in intau. Tuamai in popoaidon kon intau podudui kon aid mita monia,

AYUB 10:4

Poyoyindoi-Mu in diábí notongkai ná poyoyindoi in intau

AYUB 35:5

Ḷangágdon kon ḷangit bo taridiai totuu moḷantud in goḷom mita.

MAZMUR 139:2

Kinotaauan-Mu in bayongan in aidku; nongkon noyayú kinomangaḻean-Mu in raianku.

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

AMSAL 15:11

Ki Tuhan in nonotaaubí kon dunia in intau minatoi bo bayongan in yagi-yaginea; yo umpaka dá raian in intau bunion kon i-Nia?

AMSAL 16:2

Bayongan aid in intau degá mopiabí in ontongonnea tontaní, táe ki Tuhanbí in noindoimai kon bonu in ginanea.

AMSAL 24:12

Motaaubí in iko moguman, “Tua in deemanbí totaauku.” Táe ki Allah in noindoi mako kon inimu. Kinotaauan-Neabí bo adilon-Nea in raianmu. Sia in motuḻí kon intau podudui in aidnea.

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

YEREMIA 11:20

Bo akuoi in nosambayang, “O Tuhan Inta Totok in mokawasa, Iko in hakim inta moadil; Ikobí in nonungkuḷ kon raian bo gina in intau. Pelekaraku tanaa in posingayowon-Ku kon ini-Mu. Igumon mako koontonganku in Iko motuḻí kon aid in intau mita tatua.”

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

YEREMIA 20:12

Táe, o Tuhan Inta Totok in mokawasa, takin aid moadil sinungkuḷan-Mu in intau; Kinotaauan-Mu in gina bo raian monia. Tuamai in ogoipa in akuoi moindoi kon ini-Mu motuḻí kon aid moraat in musung sin pelekaraku tanaa in poposarakankubí kon ini-Mu.

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

YOHANES 7:24

Dikabí mohakim kon intau tongá podoyon kon onu inta koontongan, táe podoyonbí kon inta moadil.”

YOHANES 8:15

Moiko in mohakim kon intau podudui in cara intau, Akuoi in diábí mohakim kon tobatúmai intau.

OUMAN IN RASUL MITA 1:24

Mosia komintan nosambayang nanaa, “Tuhan, Ikobí inta nonotaau kon bonu in gina in bayongan intau, tundúdon mongo ki ine in koibog-Mu kon sigad inayadua naa, inta motarima kon oaidan inta pinoki aid-Mu táe inta ain sinaḷáanmai i Yudas inta ain notarima kon hukuman pinodudui in oaidnea.”

KORINTUS 2 10:10

Sin oyúon intau noguman nanaa, “Bonu in surat mita i Paulus tua in motogat bo mokobangkaḷ, táe aka siadon tontaní in kon yua-yuak naton, yo moyangkodon in sia bo singognea mita tua in diádon in mangaḻenea!”

KORINTUS 2 10:7

Indoiaidon kopira onu inta nobaḻí kon tayowonmai monimu nion. Aka oyúon intau in moyakindon totu-totuu kon sia tua in kapunyaan i Kristus, yo musti in sia morai kon bonu in ginanea kon kami doman naa in kapunyaanbí doman i Kristus, naonda bo sia.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

PETRUS 1 2:4

Tuamai, angoidon kon i Tuhan. Sia in naonda bo batu inta nobiag, batu inta iḷumbú in intau mita sin inanggap monia diá baraguna; táe piniḻídon i Allah nobaḻí batu inta totok in moponting.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

SAMUEL 1 2:3

Gogaiaidon in ambungangaḷmu inta diá in mangaḻenea tua! Dikadon mosingog kon inta diá in baragunanea! Sin ki Tuhan tua in ki Allah inta totok in nonotaau; inta mohakim kon bayongan oaid in intau.

SAMUEL 1 9:2

Ki Kish in kogadí kon ḷoḷaki, tangoinea in ki Saul, tayowmobiag tobatú inta moḷunat bo motorindog. Diábí in tobatúmai in kon bayongan Israel in noiḻiu kon koḷunatnea. Awaknea doman in moḷantu-ḷantud komintan; bayongan in intau in Israel tongá modapot in obaganea in koḷantud monia.