SAMUEL 1 16:4 - Alkitab Singog In Mongondow Masa In Tanaa

⁴ Ki Samuel nomia kon ná inta pinoguman i Tuhan. Naonda in sia nodapot kon Betlehem, itoi mita in kotá kon tua nonontomu kon inia takin noitaḻikokog bo noḻibó, “Degá kinoangoian i Amá naa in mokopoangoi kon saḷamat?”

SAMUEL 1 16:4 ပူးပေါင်းရင်းမြစ်များ

KINOBAḺIAN 35:19

Naonda in ki Rahel minatoi, sia iḷobong kon bingkí in daḷan inta mopobayá in Eprata, inta masai naa sinangoian Betlehem.

KINOBAḺIAN 48:7

Tua mita pinomiaku sin ki Rahel ki inámu. Kon binayáanku nobui nongkon Mesopotamia, ki inámu minatoi kon butá in Kanaan, diá noyayú nongkon Eprata, bo totok in norobonoḷ in ginaku. Iḷobongku in sia kon tua, kon bingkí in daḷan mayá ná Eprata.” (Tanaa mako Eprata tua in Betlehem.)

SAMUEL 2 6:9

Táe moondok doman in ki Daud kon i Tuhan bo noguman, “Yo naonda in pododiaku kon Poti in Dodandian tatua?”

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

DATU MITA IMITÁNEA 2:13

Kon singgai tobatú, ki Adonia minayá kon i Batsyeba. Ki Batsyeba noḻibó kon inia, “Degá inangoianmu naa in makusud mopia?” “Oo,” tubag i Adonia.

DATU MITA 2 9:22

“Degá bo iko nion in namangoi saḷaku yobayat?” iḻibó i Yoram kon i Yehu. Ki Yehu in notubag, “Deemanbí saḷaku yobayat aka nobayongpa in mongonggaing kon naa, bo oyúonpa doman in pososumbaan kon berhala inta pinangkoi i Izebel ki inámu tua?”

HOSEA 11:10

Ki Tuhan in noguman, “Umat-Ku in dumuduibí kon i-Nakó aka Akuoi moganggor naonda bo singa bo mopourot kon musung monia. Umat-Ku in ḻimikatbí in mamangoi nongkon dotá in toyopan sin mosumba kon i-Nakó.

HOSEA 6:5

Tuamai in Akuoi nopotabá in nabi-Ku mita sin mopotaau kon inimu onu inta ain sinantú-Ku kon moiko in mustibí hukumon bo yopúon. Inta koibog-Ku kon i monimu in nobayag bo nosilang bidon:

LUKAS 2:4

Ná doman tua in ki Yusup. Sia in nobuat nongkon ḻipú in Nazaret kon Galilea bo minayá in Betlehem butá in Yudea, ḻipú inta kinolahiran i Daud, sin sia in buí i Daud.

LUKAS 5:8

Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”

LUKAS 8:37

Sahingga intau mita inta kon ḻipú in Gerasa tua nopoigum kon i Yesus, sinbá taḷaan-Nea in mosia sin moondokdon totok in mosia. Dá ki Yesus sinumakoidon bui kon uangga bo nonaḷámai kon i monia.

SAMUEL 1 21:1

Dá minayádon in ki Daud kon i Imang Ahimelek kon Nob. Noitaḻikokog in ki Ahimelek iḻumuai nokipodungkuḷ kon i Daud bo noḻibó kon inia, “Nongonu sin iko in namangoi tongábí iko-iko mita?”