SAMUEL 1 16:22 - Alkitab Singog In Mongondow Masa In Tanaa

²² Onda intua ki Saul nokidia in koyow kon i Isai, “Moibog in akuoi kon i Daud. Ogoipa mako in sia mogutunpa kon naa bo mobantung kon inakó.”

SAMUEL 1 16:22 ပူးပေါင်းရင်းမြစ်များ

KINOBAḺIAN 30:27

Ki Laban in noguman kon inia, “Indongogaipa muna: Kinoontongankudon kon ki Tuhan ain nomarakat kon inakó sin popisí in iko.

KINOBAḺIAN 39:4

Nopia in gina i Potipar kon i Yusup, bo sia binaḻíneadon simpaḷnea; bo inogoianneadon in oaidan ki Yusup monompia kon baḷoi bo bayongan kapunyaannea.

MAZMUR 131:1

Dondong i Daud mayá in Baḷoi Tuhan. Tuhan, akuoi in diábí mododia, bo diábí moḷoḷatú. Akuoi in diábí mogaḷow kon inta moiḻiu in ḷoben andeka inta moiḻiu in roriga batukonku.

DANIEL 1:5

Ki Datu in nonantú doman kon kaanon bo oinumon kon i monia in mustibí motongkai ná inta sinadia kon motoḷuadí i datu. Naonda in toḷudon notaong in potundúan kon i monia, mosia in musti mayá kon tayowon i datu sin mopobayá in oaidan kon komaḻig.

ULANGAN 1:38

Táe irigonai in gina in bobantungmu, ki Yosua adí i Nun. Sia tuata in modia kon intau in Israel mogagow kon butá tatua.’

SAMUEL 1 16:21

Natuata in angoi i Daud kon i Saul bo nobaḻí bobantungnea. Sia totok in kinotabi i Saul bo binaḻí mododia kon touḷut in parangnea.

SAMUEL 1 16:23

Pinangkoidon kon dodai intua, pomuḷoi in ki Saul angoion tuyayowon in dimukud moraat tatua, ki Daud mogamá kon kecapinea bo pogogitognea. Bo korasaan i Saul kon mopiadon bui, sin taḷaandon in dimukud moraat tatua.