SAMUEL 1 16:19 - Alkitab Singog In Mongondow Masa In Tanaa

¹⁹ Dá nopotabá in ki Saul kon totabánea minayá kon i Isai nodia kon koyow tanaa, “Potabápa in ki adímu ki Daud, inta noḷukad kon dombamu mita tatua mamangoi kon inakó.”

SAMUEL 1 16:19 ပူးပေါင်းရင်းမြစ်များ

DATU MITA IMITÁNEA 19:19

Dá nobuatdon in ki Elia bo minayá kon i Elisa inta momajekomai. Mopuḷú bodoyowá nogapang in sapi kon munanea bo ki Elisa tontaní in nomajeko takin sapi togapang inta kon tumi totok. Naonda in ki Elia noitaḻib kon diug i Elisa, ki Elia noḷongkut kon jubahnea bo pinopotoḷompoi kon obaga i Elisa.

MAZMUR 113:8

Mosia in pinoḻitú-Nea noyotakin in mongongawasa mita, noyotakin in intau mita moḷoben nongkon umat-Nea.

AMOS 1:1

Ki Amos in gombala tobatú in domba nongkon kotá in Tekoa. Sia in nobaḻí nabi kon tungkuḷ in butá in Yohuda pinarentaan i Datu Uzia, bo Israel in pinarentaan in Datu Yerobeam, ki adí ḷoḷaki i Yoas. Doyowa notaong kon tungkuḷ in diápa nobaḻí in ḻinug, ki Allah in noponiata kon i Amos in inta mobaḻí mita kon Israel.

SAMUEL 1 16:11

Bo ki Samuel in noḻibó kon inia, “Tongá naa degá in ki adímu mita ḷoḷaki?” Ki Isai in notubag, “Tobatúpa doman, inta ai-ai, táe sia in tua noḷukad kon domba.” Ki Samuel in noguman, “Pokioinídon in sia, sin kita in diápabí mongaan aka diápa in sia moiangoi.”

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 16:20

Onda intua ki Isai noposadiadon in keledai tobatú, bo nopodatog in ki adí in bembé tobatú, roti bo botutu kuḻit inta binonuan in anggur kinopuḻing. Tua komintan in inogoinea kon i Daud sin ogoi mobaḻí sosumba kon i Saul.

SAMUEL 1 17:15

Ki Daud in mokakit in monaḷámai kon i Saul bo mobui mayá in Betlehem sin moḷukad kon domba i amánea.