SAMUEL 1 16:16 - Alkitab Singog In Mongondow Masa In Tanaa

¹⁶ Aka moibog in ki Tuang, dá potayakandon nami kon intau tobatú inta mopia mopogogitog in kecapi. Aka dimukud moraat tatua monuyayowdon kon i Tuang Datu, dá intau tatua in mopogogitogdon in kecapinea, bo motompiadon bui in raian i Tuang Datu.”

SAMUEL 1 16:16 ပူးပေါင်းရင်းမြစ်များ

DATU MITA IMITÁNEA 10:8

Totuu mountung in ki buḷoi mita i Tuang! Bo totuu momujur in pogawai mita inta umuran mogaid kon i Tuang sin mokodongogdon kon bayongan totundú inta mobijaksana nongkon i Tuang tontaní!

DATU MITA 2 3:15

Tanaa in diádon mangoi in intau tobatú inta motaau mopogogitog in kecapi.” Kon dodai in intau tatua mopogogitogmai in kecapinea, ki Elisa in kinawasa in Roho i Tuhan,

SAMUEL 1 10:5

Mopaḷut mako kon tua iko in musti mayá in buḷud i Allah kon Gibea, tampat pinononḷoḷaigan in intau in Pilistin. Kon ngara tumuot in kotá, iko in moyodungkuḷdon in nabi mita inta mosiḻig nongkon buḷud pobobogoian kon kuruban. Mosia in motayok bo morogiow, mopogogitog in gambus, rebana, bansí bo kecapi.

SAMUEL 1 16:14

Kon dodai intua ki Saul sinaḷáandon in Roho i Tuhan, bo tanaa in sia tuyayowondon in dimukud moraat inta pinotabá i Tuhan.

SAMUEL 1 16:15

Tuamai in bobantung mita i Saul in noguman kon inia, “Kinotaauandon nami kon dimukud moraat inta pinotabá i Tuhan monuyayow kon i Tuang Datu.

SAMUEL 1 16:17

Bo nomarenta in ki Saul kon i monia, “Potayakaidon kon intau inta mopia mopogogitog in musik, bo diádon mangoi kon naa in sia.”

SAMUEL 1 18:10

Nopoikoḷomai kon singgai ki Saul kon bonu in baḷoinea kokada-kadai in pandongnea bo daḻídon in sia kinawasaan in dimukud moraat inta pinotabá i Allah, nodapot in sia irumobut naonda bo intau nobundai. Kon dodai intua ki Daud mopogogitogmai in kecapi ná biasamai.

SAMUEL 1 19:9

Kon singgai tobatú ki Saul ḻimitú mako kon baḷoinea takin kokada-kadai in pandong bo daḻídon in ki Saul kinotoḷangan in dimukud moraat inta pinotabá i Tuhan. Kon dodai intua ki Daud mopogogitogmai in kecapinea.