SAMUEL 1 16:14 - Alkitab Singog In Mongondow Masa In Tanaa

¹⁴ Kon dodai intua ki Saul sinaḷáandon in Roho i Tuhan, bo tanaa in sia tuyayowondon in dimukud moraat inta pinotabá i Tuhan.

SAMUEL 1 16:14 ပူးပေါင်းရင်းမြစ်များ

SAMUEL 2 7:15

Táe tabi-Ku kon inia in diábí moinggamá podudui in dandi-Ku. Dandi-Ku kon inia in umuran-Kubí kadaian, diábí ná inta ain pinomia-Ku kon i Saul inta ain inindoí-Ku nongkon ḷoḻitúannea sinbá iko in motaau mobaḻí datu.

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

DATU MITA IMITÁNEA 22:22

‘Naonda in podondouḷugmu?’ ki Tuhan in noḻibó. Dimukud tatua in noguman, ‘Mayá in akuoi bo baḻíonku sinbá bayongan in nabi i Ahab in monguboḷ.’ Ki Tuhan in noguman, ‘Mopia, aidaidon intua, kodondouḷuganmubí in sia.’ ”

MAZMUR 51:11

Dikapa bobuion in dosaku mita, bo popataidon in bayongan in taḷáku.

HOSEA 9:12

Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

HAKIM MITA 16:20

Bo sia in nomaḷú, “Simson! Intau in Pilistin niondon!” Ki Simson in nobangon bo kainia kamai sia in moiḷuatpa ná biasamai. Diábí kinotaauannea kon ki Tuhan in nonaḷámaidon kon inia.

HAKIM MITA 16:29

Nopaḷut mako kon tua ki Simson nokadai kon oigi doyowa kon yuak inta nobaḻí kino doyonan in ropot in bangunan tatua. Bo takin kokada-kadai in ḻimanea doyowa nosimpaḷ kon batúan in oigi, tatua,

HAKIM MITA 9:23

Bo pinopomukádon i Tuhan in sosaturuan kon sigad i Abimelek bo kon intau mita in Sikhem nodapot in mosia noḷawang kon inia.

SAMUEL 1 11:6

Nokodongogmai kon tua, ki Saul kinawasa in Roho i Allah.

SAMUEL 1 16:15

Tuamai in bobantung mita i Saul in noguman kon inia, “Kinotaauandon nami kon dimukud moraat inta pinotabá i Tuhan monuyayow kon i Tuang Datu.

SAMUEL 1 16:16

Aka moibog in ki Tuang, dá potayakandon nami kon intau tobatú inta mopia mopogogitog in kecapi. Aka dimukud moraat tatua monuyayowdon kon i Tuang Datu, dá intau tatua in mopogogitogdon in kecapinea, bo motompiadon bui in raian i Tuang Datu.”

SAMUEL 1 16:23

Pinangkoidon kon dodai intua, pomuḷoi in ki Saul angoion tuyayowon in dimukud moraat tatua, ki Daud mogamá kon kecapinea bo pogogitognea. Bo korasaan i Saul kon mopiadon bui, sin taḷaandon in dimukud moraat tatua.

SAMUEL 1 18:10

Nopoikoḷomai kon singgai ki Saul kon bonu in baḷoinea kokada-kadai in pandongnea bo daḻídon in sia kinawasaan in dimukud moraat inta pinotabá i Allah, nodapot in sia irumobut naonda bo intau nobundai. Kon dodai intua ki Daud mopogogitogmai in kecapi ná biasamai.

SAMUEL 1 18:12

Kinomangaḻeandon i Saul kon iḷukadandon i Tuhan in ki Daud táe sia in sinaḷáandon i Tuhan. Tuamai inagíandon in ondok in sia kon i Daud.

SAMUEL 1 28:15

Onda intua noguman in ki Samuel kon i Saul, “Nongonu sin tuyayowonmubí in akuoi? Nongonu sin oiníonmubí bui in akuoi?” Tubag i Saul, “Mogagawangdon totokdon in akuoi sin tubuon in intau in Pilistin, bo ki Allah in nonaḷámaidon kon inakó. Diádon in akuoi sinubagan-Nea, pinomayá pinongin nabi mita, andeka pinongin togoindop. Tuamai in poigumonku kon i Amá, sinbá potaauondon i Amá onu in musti aidanku.”