SAMUEL 1 16:13 - Alkitab Singog In Mongondow Masa In Tanaa

¹³ Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.

SAMUEL 1 16:13 ပူးပေါင်းရင်းမြစ်များ

SAMUEL 2 12:7

Guman i Natan kon Daud, “Ki Tuangbí in intau tatua! Bo naadon in pinoguman i Tuhan, Allah in Israel, ‘Iko in dinuí-Kudon nobaḻí datu kon Israel bo pinosaḷamat-Ku nongkon i Saul.

SAMUEL 2 2:4

Onda intua intau mita in Yohuda namangoi kon Hebron, bo noduí kon i Daud nobaḻí datu kon Yohuda. Naonda in ki Daud nokodongog kon intau mita in Yabesh kon Gilead noḷobongdon kon i Saul,

SAMUEL 2 23:1

Ki Daud adí i Isai in piniḻí nobaḻí datu bo binaḻí intau moḷoben i Allah Yakub. Sia doman in nongarang kon dondong mita kon Israel. Naa in tosingogon i Daud imbuitnea:

SAMUEL 2 5:3

Ki Daud in nomia kon dodandian takin itoi mita in Israel tatua kon Hebron, bo dinuí monia in sia nobaḻí datu in Israel.

DATU MITA 2 9:6

Onda intua taya dua sinumuot kon bonu in baḷoi, bo nabi inta nobagupa tatua in nopobutak in ḷana zaitun tatua kon uḷu i Yehu bo noguman, “Ki Tuhan Allah in Israel noguman, ‘Akuoi in noduí kon inimu nobaḻí datu kon umat-Ku Israel.

TAWARIKH 1 11:3

Dá ki Daud in nomia kon dodandian takin itoi mita in Israel tatua. Bo dinuídon monia in sia nobaḻí datu in Israel ná inta ain pinodandi i Tuhan pinongin i Samuel.

MAZMUR 89:20

Dungkuḷmai kon bonu in oontongon tobatú, Iko in noguman kon mogogundoi-Mu inta motoḷutui, “Akuoi ain notuḷung kon pahlawan tobatú, intau tobatú inta piniḻí-Ku nongkon rayat inta ain pinoḷantud-Ku.

MAZMUR 89:21

Nouḻí-Kudon in ki Daud, mogogundoi-Ku, bo dinuí-Ku in sia takin ininggúan in ḷana in upacara.

PINOGIAPAN 11:17

Moponag in Akuoi bo moyosingogmu kon tampat tatua, bo tosilai nongkon kawasa inta ain inogoi-Ku kon inimu, ogoi-Kudon kon i monia. Dá motaaudon in mosia motuḷung kon inimu mobaba kon onu inta pinoki totaau kon bangusa tanaa, bo dikadon tongá iko tontaní in mobaba kon tua.

PINOGIAPAN 27:18

Guman i Tuhan kon i Musa, “Oinídon in ki Yosua, adí i Nun. Sia tua in intau inta motoḻindat. Poukat in ḻimamu kon uḷunea.

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

OUMAN IN RASUL MITA 13:22

Naonda in kinodoídon i Allah in sia, ki Allah nomiḻídon kon i Daud nobaḻí datu monia. Bo tanaa inta pinoguman i Allah soaḷ ki Daud, ‘Nouḻí-Kudon in ki Daud inta ki adí i Isai tobatú intau inta totok in mokosanang kon gina-Ku. Sia tua inta motoindudui kon onu in kinoibog-Ku.’

IBRANI 1:9

Inta moadil in koibog-Mu bo inta motombogá in kodoí-Mu; Manangka intua ki Allah, Allah-Mu in nomiḻí kon ini-Mu; bo nobogoi in kahoromatan inta mokopoangoi kon ḷunganga in gina inta moiḻiu kon yobayat-Mu mita.”

IBRANI 11:32

Uḻe, nobayongpabí doman in motaauku oumanon, táe diádon i wakutuku mongonguman kon soaḷ tai Gideon, ki Barak, ki Simson, ki Yepta, ki Daud, ki Samuel bo nabi mita.

HAKIM MITA 11:29

Onda intua Roho i Tuhan nongawasadon kon i Yepta. Dá minayádon in ki Yepta kon butá in Gilead bo Manasye onda intua nobui kon Mizpa kon Gilead. Nongkon tua nongingguputdon in sia kon bobayáannea nopobayá in butá in bangusa in Amon.

HAKIM MITA 13:25

bo naonda in sia kon pinononḷoḷaigan in suku Dan, inta noiukat kon sigad in Zora bo Eshtaol, Roho i Tuhan nomangkoidon nobogoi in ropot kon inia.

HAKIM MITA 14:6

bo daḻídon in ki Simson nobaḻí noropot sin kawasa i Tuhan. Bo iyabi-yabineamai in singa tatua takin nomaké in ḻimanea, tongábí naonda bo bembé in mahaḷuk tatua. Onu inta nobaḻí tatua diábí inoumannea kon guranganea.

HAKIM MITA 3:10

Sia in kinawasa in Roho i Tuhan dá sia in nobaḻí itoi kon umat in Israel. Sia in minayá noparang, bo pinopountung i Tuhan in sia nongkon datu in Mesopotamia.

SAMUEL 1 1:19

Nopoikoḷomai kon singgai ki Elkana takin motoḷuadínea nobangon doḷo-doḷom, bo naonda in noibada kon i Tuhan, nobuidon in mosia kon Rama. Dá ki Elkana in nosiugdon noyotakin i Hana, ki buḷoinea tatua, bo sinubagan i Tuhan in sambayang i Hana.

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea:

SAMUEL 1 10:6

Kon dodai doman in tuata iko in kawasaandon in Roho i Tuhan bo iko in dumuduidon kon tayok mita bo giow monia tua, bo iko in ogoiandon in dodia mobagu dá mobaḻídon intau ibanea.

SAMUEL 1 11:6

Nokodongogmai kon tua, ki Saul kinawasa in Roho i Allah.

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 18:12

Kinomangaḻeandon i Saul kon iḷukadandon i Tuhan in ki Daud táe sia in sinaḷáandon i Tuhan. Tuamai inagíandon in ondok in sia kon i Daud.

SAMUEL 1 2:35

Onda intua Akuoi in momiḻídon kon imang inta mosatia kon i-Nakó bo mogaid kon onu inta pinoki aid-Ku kon inia. Kon inia tua in ogoian-Ku in buí inta umuran mopobayá in oaidan imang kon tayowon in datu mita inta piniḻí-Ku.