SAMUEL 1 16:12 - Alkitab Singog In Mongondow Masa In Tanaa

¹² Dá pinoki oinídon i Isai in ki adínea tatua. Noniata magí yo sia tua in tayowmobiagbí inta moḷunat bo mosehat, bo matanea in totuu mogaga. Bo ki Tuhan in noguman kon i Samuel, “Naadon in sia; duídon in sia!”

SAMUEL 1 16:12 ပူးပေါင်းရင်းမြစ်များ

KINOBAḺIAN 39:6

Bayongan onu inta kon i Potipar pinopopirisayadon kon i Yusup. Takin natua ki Potipar beresi bidon sia doí monotaau kon bayongan inta kon baḷoinea, koḻikudbí in soaḷ kaanonnea. Ki Yusup naa in moroton bo moḷunat totok.

SAMUEL 2 23:1

Ki Daud adí i Isai in piniḻí nobaḻí datu bo binaḻí intau moḷoben i Allah Yakub. Sia doman in nongarang kon dondong mita kon Israel. Naa in tosingogon i Daud imbuitnea:

SAMUEL 2 7:8

Tuamai, Natan, potaau kon mogogundoi-Ku ki Daud, kon Akuoi, ki Tuhan Inta Totok in Mokawasa, noguman kon inia, ‘Iko in biningkat-Kudon nongkon oaidanmu moḷoḷukad kon domba kon tampatnea bo dinuí-Kudon nobaḻí datu kon umat-Ku Israel.

DATU MITA IMITÁNEA 1:34

Kon tua ki Zadok bo ki Natan in musti moduí kon inia mobaḻí datu in Israel. Mopaḷut mako kon tua moiko in musti mogirup kon torompet bo mobaḷu, ‘Mobiag in ki Datu Salomo!’

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 78:70

Sia in nomiḻí kon i Daud mogogundoi-Nea bo nogamá kon inia nongkon yua-yuak in bobiagon,

IḶUAIAN 2:2

Bo bobay tatua in nopononggadídon in adí ḷoḷaki tobatú. Naonda inontongnea kon adí tatua totuu moḷunat, binuninea toḷu nobuḷan in koonggotnea.

DONDONG MOḶANTUD 5:10

Batoḷ in dodobku motorindog bo moḷunat, noiḻiu kon intau mopuḷú noribu.

OMBAḶ 4:7

Dungkuḷmai itoi mita nami in nomurnipabí naonda bo kapot inta nobudó nodarit. Mosia in motorindog bo moropot, nongotariangan mako bo mosehat.

ZAKHARIA 4:14

Dá sia in noguman bui, “Tua in intau doyowa inta ain piniḻí i Tuhan inta nomaḻí kon dunia naa bo inta sinundú sin mogundoi kon i-Nia.”

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

OUMAN IN RASUL MITA 7:20

Wakutu intuata noilahirdon in ki Musa; sia in moḷunat totok. Sia in biniag toḷu nobuḷan kon baḷoi i amánea,

IBRANI 11:23

Popisí in mopirisaya doman, dá guyanga i Musa in nobuni kon inia toḷu nobuḷan in koonggotnea naonda in noilahirdon in ki Musa. Inontong monia kon moḷunat totok in adí tatua, dá diábí noondok in mosia noḷawang kon parenta i datu.

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 17:42

Táe naonda in sia nokoontong kon i Daud bo nonaridimai, kinumosing totok in ki Goliat bo mopoonagmai sin noguodpa totok in ki Daud bo moḷunat.

SAMUEL 1 17:55

Naonda in ki Saul nokoontong kon i Daud minayá nomarang kon i Goliat, noḻibó in sia kon i Abner itoi in tontaranea, “Abner, ki adí i ine in sia?” “Diábí kinotaauan in bobantungmu naa, Tuang datu,” tubag i Abner.

SAMUEL 1 9:17

Naonda in ki Samuel nokoontong kon i Saul, ki Tuhan noguman kon i Samuel, “Naadon in intau inta pinoguman-Ku kon inimu tua. Sia in momarenta kon umat-Ku.”