SAMUEL 1 15:6 - Alkitab Singog In Mongondow Masa In Tanaa

⁶ Sia in nokidia doman in koyow tompoingat kon intau in Keni kainia, “Bayádon bo taḷaaidon in intau in Amalek, sinbá moiko in diá poyotakinonku yompaton takin monia, sin dungkuḷmai in mogoguyang monimu noibogdon noyobayat in intau in Israel kon dodai in intau in Israel namangoi nongkon Mesir.” Dá minayádon in intau in Keni nongkon tua.

SAMUEL 1 15:6 ပူးပေါင်းရင်းမြစ်များ

KINOBAḺIAN 15:19

noitakin doman in butá intau in Keni, Kenas, Kadmon,

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

TAWARIKH 1 2:55

Nongkon inanakan i Tirati, i Simati bo i Sukati in inta nogutun kon kotá in Yabes oyúon in intau inta mongotaau totok momais bo nomais bui kon surat mita inta moponting. Mosia tua in intau mita in Keni inta notonibuḷoi takin intau in Rekhab.

IḶUAIAN 18:19

Indongogaipa in singogku naa, bo tuḷunganbí i Allah in iko. Totuubí doman kon mopiabí aka iko mobaḻí toḻiu in bangusa tanaa kon tayowon i Allah bo modia kon yagi-yagi inta mokorogenggeng kon umat bo potaau kon i-Nia.

AMSAL 9:6

Taḷaaidon in kobobodok, sinbá mosanang in iko. Duduiaidon in daḷan in intau moarip.”

PINOGIAPAN 16:34

Bayongan intau in Israel inta kon tua nokodongog kon karak monia. Bo intau mita in Israel noḷagui, sindaḷan nomaḷú, “Poḷagui! Ḻiomon in butá in kita!”

OUMAN IN RASUL MITA 2:40

Natuata pinogoginsilang i Petrus kon i monia. Bo nobarongpa doman in tongginanea ibanea inta monongganut kon i monia sinbá umukatdon kon bangusa mita inta moraat inta toko hukumon i Allah.

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

TIMOTIUS 2 1:16

Táe tombonu in baḷoi i Onesiporus in umuran namangoi moposanang in ginaku, dá poigumonku mako ki Tuhan in tantú mobogoi in barakat kon i monia, sin umpakabí kon bonu in ponjara akuoi táe ki Onesiporus bo tombonu in baḷoinea tua in diábí mooyá in namangoi mokipodungkuḷ kon inakó.

WAHYU 18:14

Podagang mita tatua in noguman kon bobay tatua, “Bayongan inta kinoibogmu in diádon, bo bayongan inta momewa bo inta mogaga in noinggamádon nongkon tayowonmu. Diá bidon mouḻímu bui intua!”

HAKIM MITA 1:16

Buí inunuton i Musa, inta intau mita in Keni, dinumudui kon intau in Yohuda iḻumuai nongkon Yerikho, kotá in kurma, bo minayá in padang gurun kon dotá in toḷatan in Arad kon Yohuda. Kon tua in mosia nogutun kon yua-yuak in bangusa Amalek.

HAKIM MITA 4:11

Kon tungkuḷ intua ki Heber, intau in Keni, ain sinumondí kon bangusanea. (Bangusa in Keni tua in buí i Hobab, ki bila i Musa.) Ki Heber minayádon noposindog in ḷoḷaigannea mita kon diug in pangkoi mita in terpentin kon Zaanaim, diábí noyayú nongkon Kedes.

HAKIM MITA 5:24

Binarakatandon in ki Yael, ki buḷoi bobay i Heber intau in Keni; nongkon bayongan inta nogutun kon ḷoḷaigan, sia tuata inta totok in binarakatan.

SAMUEL 1 15:5

Onda intua minayádon in ki Saul takin intaunea mita kon kotá in Amalek bo noḷabot kon musung kon yuak in ongkag inta noingkag.

SAMUEL 1 27:10

Aka ki Akhis moḻibó kon inia, “Kon onda in bayáanmu ponubuan in tanaa?” Dá ki Daud in moguman kon inia kon sia in minayádon kon dotá in toḷatan in Yohuda andeka kon butá in intau in Yerahmeel andeka butá pinogutunan in intau in Keni.