SAMUEL 1 15:19 - Alkitab Singog In Mongondow Masa In Tanaa

¹⁹ Nongonu sin ki Tuang Datu in diábí dinumudui kon parenta i Tuhan? Nongonu sin ki Tuang Datu in noyotakinbí nogamá kon barang mita inta inagow, aid i Tuang Datu tatua in nokopomuká kon yaat in gina i Tuhan?”

SAMUEL 1 15:19 ပူးပေါင်းရင်းမြစ်များ

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

TAWARIKH 2 33:2

Sia in binaradosa kon i Tuhan, popisí in dinumudui kon kabiasaan mita inta moraat in bangusa mita inta pinoguntun i Tuhan nongkon Kanaan kon tungkuḷ in intau in Israel sinumuot in butá tatua.

TAWARIKH 2 33:6

Ki adínea mita pinosumbanea nobaḻí kuruban payongon kon Ḷopá in Hinom. Sia in dinumudui doman nogaid kon pongonggaing, mopirisaya kon tundi mita, totaau, bo nopoigum in totundú mita kon dimukud mita. Totok in sia binaradosa kon i Tuhan dá nokopomuká kon torú i Tuhan.

TAWARIKH 2 36:12

Sia in binaradosa doman kon i Tuhan Allahnea. Doí doman in sia tumonsiup bo doí dumudui kon i Nabi Yeremia inta nopotaau in koyow nongkon i Tuhan kon inia.

AMSAL 15:27

Ki ine in motayak kon kauntungan pongin mosindip, in morimumudbí kon motoḷuadínea tontaní. Ki ine in doí motarima kon doit pinosogó, mobiag mosanang.

YEREMIA 7:11

Degá inanggap monimu kon Baḷoi-Ku naa in pugad in mogogagow? Bayongan in oaidmu ain inontong-Ku.

PINOGIAPAN 14:41

Táe ki Musa in noguman, “Nongonu sin moiko in moibogpabí doman tanaa ḻimimpat kon parenta i Tuhan? Diábí mountung in moiko!

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

SAMUEL 1 14:32

dá nogogagowandon in mosia in nogamá kon onu inta inagow nongkon musung; mosia in nogamá kon domba bo sapi bodongka iratá monia kon tua doman, bo bayá-bayádon nokaan kon ponoyá inta oyúonpa in dugúnea.

SAMUEL 1 15:20

Ki Saul in notubag, “Akuoi ain dinumudui kon parenta i Tuhan, bo minayá noparang pinodudui ná inta pinarenta-Nea kon inakó; ki Agag datu intau in Amalek in dinomokku bo bayongan intau in Amalek ain iḻimodku.