SAMUEL 1 15:16 - Alkitab Singog In Mongondow Masa In Tanaa

¹⁶ Nokodongogmai kon natua, ki Samuel noguman, “Oḷatpa motoyong, akuoi in mopotaau kon onu inta pinoguman i Allah kon inakó kogobíi.” “Potaaudon,” guman i Saul.

SAMUEL 1 15:16 ပူးပေါင်းရင်းမြစ်များ

DATU MITA IMITÁNEA 14:6

Táe naonda in dinongog i Nabi Ahia in ḷangkad in sioḷnea kon ngara, noguman in sia, “Igai tumuot, kinotaauankubí kon iko in ki buḷoi i Yerobeam. Dikadon ki ubo-uboḷmai. Oyúon in habar diá mopia kon inimu.

DATU MITA IMITÁNEA 22:16

Ki Ahab in notubag, “Aka iko bo mosingog kon inakó podoyon kon tangoi i Tuhan, yo pogumandon onu inta totuu. Kotongonudon in iko inogoianku in tompoingat kon soaḷ tatua?”

YESAYA 39:5

Bo ki Yesaya in noguman kon i datu, “Ki Tuhan Inta Totok in mokawasa, noguman,

YEREMIA 34:6

Dá koyow i Tuhan tua in pinotaauku kon i Datu Zedekia kon Yerusalem,

SAMUEL 1 12:7

Tanaa, in dikapa mayá. Akuoi in mopotaaudon in taḷá monimu kon tayowon i Tuhan. Toropdon kon bayongan totabi Tuhan inta ain pinoontong-Nea kon inimu bo kon mogoguyangmu.

SAMUEL 1 15:15

Tubag i Saul, “Biag mita tatua in inagowbí mita nongkon intau in Amalek. Domba bo sapi inta totok in mongoḷomumu ain ginamá in rayat sin pinosumba nobaḻí kuruban kon i Tuhan Allahmu. Táe kiagatnea in aindon iyopú nami komintan.”

SAMUEL 1 15:17

Ki Samuel in noguman, “Tantú kinotaauanbí i Tuang Datu, kon umpakabí kon raianmu tontaní ki Tuang Datu naa in mointok táe binaḻí bidon itoi kon suku mita in Israel? Bo iko nion in binarakatandon i Tuhan nobaḻí datu kon Israel,

SAMUEL 1 9:27

Naonda in mosia nodapot kon bingkí in kotá, nogumandon in ki Samuel kon i Saul, “Potabádon in bobantung tatua mayá umuna kon i natonda.” Bo minayádon in bobantung tatua, bo ki Samuel noguman bui, “Pogogaipa motoyong kon naa, akuoi in mopotaaudon in koyow i Allah kon inimu.”