SAMUEL 1 15:13 - Alkitab Singog In Mongondow Masa In Tanaa

¹³ Naonda in ki Samuel noyodungkuḷ i Saul, ki Saul noguman kon inia, “Poigumon mako ki Tuhan momarakat kon i Amá! Akuoi ain nogaid kon onu inta pinarenta i Tuhan.”

SAMUEL 1 15:13 ပူးပေါင်းရင်းမြစ်များ

KINOBAḺIAN 14:19

Bo ki Melkisedek in nomarakat kon i Abram, kainia, “Poigumon mako ki Allah inta Totok in Moḷantud, inta ain nomaḻí kon ḷangit bo butá, momarakat kon i Abram!

KINOBAḺIAN 3:12

Ḷoḷaki tatua in notubag, “Bobay inta inogoi-Mu sin motuḷung, sia tua in nobogoi kon inakó in bungai in kayu tatua, bo kinaanku domandon.”

SAMUEL 2 2:5

nopotabá in sia in totabánea minayá takin koyow, “Poigumon mako ki Tuhan momarakat kon i monimu, sin moiko in noponiatadon in kotoinduduimu kon i datumu sin noḷobong kon awaknea.

AMSAL 27:2

Dikabí dumuí tontaní; biódon mako in intau ibanea in modayow kon inimu, modapotbí in intau inta diá kinotaauanmu.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

AMSAL 30:13

Oyúon in intau in dumuí kon mopia totok in sia – nádomai tua in kopopianea!

AMSAL 31:31

Tuḻíaibí in aidnea inta mopia; sia in bobay inta patus horomaton kon ondakabí!

LUKAS 17:10

Natua doman in moiko. Aka inaidandon mita monimu in onu inta pinoki aid kon i monimu yo singogdon nanaa, ‘Kami naa in tongábí bobantung mita inta diá in baragunanea; kami in tongábí mogaid kon onu inta pinoki aid kon inami.’ ”

LUKAS 18:11

Intau in Parisi tatua in sinimindog sinumontaní bo nosambayang, kon bonu in ginanea nanaa, ‘O, Allah, akuoi in mopoyaput in sukur kon ini-Mu, sin akuoi in diá ná intau ibanea modunia, diá moadil, moibog monuaḻing, bo diá kototabi kon tumpaḷa intau. Bo akuoi in diá doman ná intau mononagi kon pajak tatua.

HAKIM MITA 17:2

Kon singgai tobatú sia in noguman kon i inánea, “Iná, kon tungkuḷ in ki iná kinobuḻian in toribu bo mogatut in doit saḷaka, dinongogku ki iná in nogodi-godimai kon intau inta nonakow. Naa, Iná, in doit tatua! Akuoibí in nonakow.” Ki inánea notubag, “Igumon mako iko in barakatan i Tuhan, adíku!”

RUT 3:10

“Poigumon mako ki Tuhan in momarakat kon inimu, adíku,” guman i Boas. “Potongkaiondon kon ná onu inta ain pinomiamu kon i guyámu, dá aidmu tanaa in moponiatadon in tabi inta moiḻiu kon tua bui. Iko in motaaubí in motayak kon buḷoi inta mongobagupa kon sigad in intau mita inta nooyúon bo inta nobogá, táe diábí inaidanmu intua.

SAMUEL 1 13:10

Táe bagupa in sia nopaḷut nomia kon tua, noiangoidon in ki Samuel. Ki Saul nonontomu kon inia sin mohoromat kon inia,

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.

SAMUEL 1 15:20

Ki Saul in notubag, “Akuoi ain dinumudui kon parenta i Tuhan, bo minayá noparang pinodudui ná inta pinarenta-Nea kon inakó; ki Agag datu intau in Amalek in dinomokku bo bayongan intau in Amalek ain iḻimodku.

SAMUEL 1 23:21

Ki Saul in notubag, “Poigumon mako iko barakatan i Tuhan sin ain nomia kon mopia kon inakó!

SAMUEL 1 25:14

Bo kon dodai intua kon i Abigail ki buḷoi i Nabal, ain pinopotaauan in bobantung i Nabal tobatú, nanaa, “Degá dinongogdon i Iná? Ki Daud ain nopotabá in tongonumai in totabá nongkon padang gurun sin mokidia in horomat kon i tuang naton, táe tongábí sinibáannea in mosia tua.