SAMUEL 1 15:11 - Alkitab Singog In Mongondow Masa In Tanaa

¹¹ “Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.

SAMUEL 1 15:11 ပူးပေါင်းရင်းမြစ်များ

KINOBAḺIAN 6:6

Nomanasaḷdon in Sia nomia kon i monia bo nonampat kon i monia kon dunia naa. Totok nomanasaḷ in Sia,

KINOBAḺIAN 6:7

dapot in Sia noguman, “Yopúon-Kudon in intau inta ain pinomia-Ku tua, bo takin doman bayongan in ḷagapan bo mahaḷuk mita ibanea, sin Akuoi in nomanasaḷdon ain nopomia kon i monia.”

SAMUEL 2 24:16

Malaekat i Tuhan inta nodia kon popatoi tatua ain noiyaput in tampat poḷoḻidokan kon gandum kapunyaan i Arauna, intau in Yebus. Naonda in inontong i Tuhan kon malaekat tatua nosadiadon moyompat kon Yerusalem, ki Tuhan in nomaḷui kon kaputusan-Nea, bo nogogaidon in Sia nohukum kon bangusa tatua. Guman-Nea kon malaekat tatua, “Tugatdon! Pogogaidon!”

DATU MITA IMITÁNEA 11:9

Koduadon in ki Tuhan, Allah in Israel in nokipogontong kon i Salomo bo noponorop kon inia kon sia in diábí motaau in mosumba kon ilah mita ibanea, tongá ki Salomo in doíbí dinumudui kon i Tuhan. Noiyaputbí in nonoḻikudon in sia kon i Tuhan, dá sinumorúdon in ki Tuhan kon inia.

TAWARIKH 1 10:13

Ki Saul in minatoi popisí in diá in sia mosatia kon i Tuhan, bo diá doman dinumudui kon parenta-Nea mita. Diábí in sia nopoigum in topotundú mita nongkon i Tuhan, táe nopoigumbí kon dimukud mita in intau mita inta ain minatoi. Tuamai in ki Tuhan nohukum kon inia bo noposarakan in tampat pomomarentaannea kon i Daud adí i Isai.

TAWARIKH 1 21:15

Bo ki Tuhan in nopotabá kon malaekat tobatú sin moyopú kon Yerusalem. Táe kon dodai in malaekat tatua noidapotdon kon diug in pororipúan kon gandum i Arauna intau in Yebus, ki Tuhan nomaḷui kon kaputusan-Nea mohukum kon bangusa tatua. Noguman in Sia kon malaekat tatua, “Tugatdon! Pogogaidon!”

AYUB 34:27

Sin, mosia in diá dinumudui kon ibog-Nea bo diá mokidongog kon parenta-Nea mita.

MAZMUR 109:4

Mosia in moponapud kon inakó, umpakabí akuoi motabi kon i monia, bo ain sinambayanganku in mosia.

MAZMUR 110:4

Takin ibot ki Tuhan ain nodandi, diábí gamáan-Nea bui, “Ikobí in imang modapot in mononoi, naonda bo ki Melkisedek.”

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

MAZMUR 78:41

Mopobui-buimai in mosia monungkuḷ kon i Allah, moposusamai kon i Inta Mokudus, ki Allah in Israel.

MAZMUR 78:57

Mosia in nonoḻikud ná muna monik monia, bo diá motaau pirisayaan naonda bo puḷu in piot inta nobelung.

IḶUAIAN 32:11

Ki Musa nopoigum tabi kon i Tuhan Allahnea, kainia, “Tuhan, nongonu sin musti-Mubí aidan kon i monia in natua? Ikodon tontaní inta noposaḷamat kon i monia nongkon Mesir takin kawasa bo ropot-Mu inta moḷoben?

IḶUAIAN 32:14

Dá ki Tuhan nomaḷuidon kon niat-Nea tatua bo diádon pinopoantugan-Nea in bangusa tatua in bodito ná inta tomayá-Nea.

YEREMIA 11:10

Mosia in nogaidon kon dosa inta pinomia in mogoguyang monia inta doí motoindudui kon i-Nakó, Mosia in nosumba kon ilah mita ibanea bo doí dumudui kon parenta-Ku. Pinomayá Israel andeka Yohuda iḻimimpatdon kon dodandian inta ain pinomia-Ku takin mogoguyang monia.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 34:16

Pojabat mita in pomarenta in Yohuda bo Yerusalem takin pogawai mita in komaḻig, imang mita bo bayongan in moḷoḷukad kon butámu ain noposah kon dodandian tatua poḷat noratá kon sapi, pinongkó doyowa, bo minayá kon sigad in doyowa nopongkó tatua. Táe, onda intua nobaḷui in raian monimu bo noningkuḻe kon i-Nakó. Ata mita inta ain pinoḷuat monimu podudui in ibog monia, ginamá bui monimu bo pinakisa nobaḻí ata bui. Tuamai, Akuoi, Tuhan, moguman kon moiko in iḻimimpatdon kon parenta-Ku, bo diá dinumudui kon saratnea mita, sin moiko in diábí nopoḷuat kon tumpaḷa bangusamu Israel. Yo, maníka Akuoi in mobogoi in kabebasan kon inimu: Kabebasan matoi kon poparangan andeka yampoi in takit andeka in gogoy. Akuoi in mopomiabí kon i monimu ná moiko nopomia kon sapi inta iratá monimu tatua. Pomiaan-Kubí in bayongan bangusa kon dunia mokoningkim in mokoontong kon onu in inaidan-Ku kon i monimu.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

YEREMIA 9:18

Intau in Yohuda noguman, “Ḷagidon pokidondongai in mosia in dondong ponogumatoian kon inaton komintan, sinbá motutug in ḷuá momuntad kon putongi naton.”

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

AMOS 7:3

Ki Tuhan in nomaḷui kon tomayá-Nea bo noguman, “Inta inontongmu tua in diábí mobaḻí.”

YUNUS 3:10

Inontong i Allah in aid monia; inontong-Nea kon mosia in nonaḷámaidon kon dodia monia inta moraat. Dá binaḷuian-Neadon in tomayá-Nea, bo diádon nobaḻí nohukum kon i monia.

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

MATIUS 24:13

Tongá intau inta monahang modapot in kopaḷutan tua komintan mosia in mosaḷamat.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

IBRANI 10:38

Bo umat-Ku inta mobanar in mopirisayabí bo mobiag; táe aka oyúon in kon sigad monia tua in nobaḷui in pirisaya, dá diábí mosanang in gina-Ku kon inia tua.”

YOSUA 22:16

Bo mosia nosingog nobaḻí toḻiu in bayongan in umat i Tuhan, mosia noguman kon intau mita inta nongkon suku i Ruben, i Gad bo i Manasye tatua, “Nongonu sin moiko in nogaid bidon kon inta moraat nanaa kon i Allah Israel? Takin nogaid kon mezbahmu tontaní, moiko in noḷawangdon kon i Tuhan! Moiko in diá bidon dinumudui kon parenta-Nea mita!

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.

SAMUEL 1 13:13

Nokodongogmai kon natua, ki Samuel in noguman kon i Saul, “Mobodok totok in aid i Tuang tatua. Aka kuma bo ki Tuang in dinumudui kon parenta i Tuhan Allah kon i Tuang Datu, yo tantúon bidon i Tuhan kon mononoi in Tuang Datu bo buí i Tuang Datu in momarenta mobaḻí datu kon Israel naa.

SAMUEL 1 15:10

Bo nogumandon i ki Tuhan kon i Samuel,

SAMUEL 1 15:3

Dá bayá bo tubudon in intau in Amalek bo rimumudon in bayongan kapunyaan monia. Dikabí taḷaanmai in onuka; ḻimodon in bayongan intau ḷoḷaki, bobay, mongoadí mita bo adí mointok; takin doman sapi, domba, unta bo keledai.”

SAMUEL 1 15:35

Nodapot in pangabisan kinobiagannea, ki Samuel diádon bui noyodungkuḷ i Saul. Táe noajar totok in gina i Samuel sin ki Tuhan in nomanasaḷ ain noduí kon i Saul nobaḻí datu in Israel.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 8:6

Táe diábí nosanang in gina i Samuel in nokodongog kon onu inta pinoigum monia tua. Bo nosambayang in sia kon i Tuhan,